广式糖水铺有料到！

　　

　　广东人除咗钟意饮汤，仲好中意食糖水噶，大家都知道：广东人的胃，有一半要留畀糖水！今期Color搵到两家特别的糖水铺，老式糖水铺有自己嘅风味同“规矩”，新式糖水铺养眼又养胃，出品各有千秋，包保你食过返寻味！

　　

　　饶禧/文 黄译萱/图

　　

　　

 

 　　 骑楼之下 广式味道

　　

　　

　　三块招牌有历史

　　

　　茶馆唔一定要卖茶，都可以卖糖水噶。开喺番禺大南路嘅呢间“陈茶馆”，藏喺百年历史的骑楼下。门口挂着三个招牌，据店家介绍，佢哋喺度长大，已经历经三代人，太公做渔网、嫲嫲开士多，到咗佢哋变成糖水铺。店内仲贴着上世纪五六十年代的市桥老照片同老物件，每一样都向大家讲紧呢度啲变迁。“陈茶馆”嘅糖水唔係随时供应噶，嚟到要睇下“糖水出品时间表”，每个时段都有对应的糖水出炉，人气超高嘅芝麻糊同绿豆沙就係周三、周日嘅限定单品。

　　

　　

 

 

 

 

　　手工现磨诚意足

　　

　　探店这天下午一点，Color嚟到现场，发现店未开门口已经坐满食客。唔少朋友专程驱车几十公里来，就係为食一碗正宗的广式糖水。糖水一出炉好快卖晒，所以想试嘅朋友要提早嚟啦。“糖水出品时间表”上嘅糖水虽然少，但样样都係精品。每日限量的花生、芝麻、杏仁糊，都係店主纯手工石磨，现煮现卖。“招牌芝麻糊”撒上现炒的花生碎，搭配着芝麻的香气，口感顺滑得嚟有质感，甜度适中，吃完唔觉腻。“莲子百合糖水”嘅银耳胶煮到起胶，胶汁融到糖水里面，啖啖都食到入口清润。除此之外，仲有清热下火嘅番薯糖水，番薯浓浓糯糯，姜糖水做底，甜甜地、辣辣地，天气冷时嚟翻碗就最啱啦！

　　

　　店名：陈茶馆

　　地址：广州市番禺区市桥街道大南路41号

　　营业时间：周一至周五、周日 13：00-17：00

　　

　　

 

 　　芝麻糊

 

 　　番薯糖水

 　　莲子百合糖水

　  中式庭院 一碗满足

　　　

　　

 

　　竹林流水有禅意

　　

　　喺繁华商圈内，深藏一间安静舒适嘅糖水铺。呢间“入续”自开铺以来，就因为独树一帜的中式庭院装修风格，吸引唔少网红专程嚟打卡。进入店铺，映入眼帘嘅係上镜率超高的竹林流水园景，潺潺流水声再加上禅意木质的布景，让人一秒置身竹林。约埋朋友仔点一碗足料的招牌糖水，喺满眼原木色的店内倾下计，都几惬意噶！除咗有“高山流水”，店内每个角落的装饰都充满中式禅意，木质桌椅、水墨画，摆设细致别具一格，让人感受到浓郁的中国风。

 

 

 

 

　　用料丰富一啖饱

　　

　　环境够出圈，店内出品亦因为用料足，好受欢迎。人气糖水“娟姗奶大满贯”用料丰富，桃胶、芋圆、红豆等多种小料，满满当当搭配成一大碗，再配上奶香足的娟姗奶，食起身满足又有层次，一碗足以饱肚。近排天气渐凉，可以嚟翻碗暖笠笠嘅“酒酿米麻薯凤凰奶”。凤凰奶糊新鲜现煮，蛋奶香浓郁，大块的米麻薯入口偏绵软，仲有淡淡的酒酿味。店铺出品整体甜度较低，好适合要keep fit的朋友去“放飞”一下。如果你觉得甜度唔够，仲可以去到自助区加冰糖噶。

　　

　　店名：RUXU入续鸳鸯糖水铺（万菱汇店）

　　地址：广州市天河区天河路230号万菱汇B1层

　　营业时间：周一至周日 10:00-22:00

 　　娟姗奶大满贯

 　　双皮奶

 

 　　酒酿米麻薯凤凰奶