|
|
|
|
|
|
广州话嘅“掺水”，通常係形容人哋冇料到，而近期上映嘅电影，虽然片名含“水”量高，但睇返剧情细节、演员阵容，其实都相当过硬。朱一龙首次参演悬疑类型的文艺片，被称为票房最猛的文艺片；叱咤风云嘅港产片又嚟啦，今次由黄宗泽升呢做“江湖大佬”；萌宠“可乐”陪伴少女成长，谭松韵依然少女感十足……大家睇完都会觉得“有料到”！ 郭玮/文 海报、剧照/图 新晋“大佬”上位路 《扎职2之江湖陌路》并冇延续第一部嘅剧情，但全新嘅故事一样好有睇头：三兄弟原本跟住“大佬”出人头地，点知其中一个暗瓦底跣咗大佬一镬，仲被阿嫂查出真相。三兄弟曾经同大佬共生死，原本应该情与义值千金嘅，但现实令到佢哋因为情与利产生纠葛，面对命运嘅抉择，人性受到考验，有为上位争名夺利，亦有为兄弟两肋插刀，将港产片中浓浓江湖味道都呈现在影片中。喺演员阵容上，就算冇咗首部嘅陈伟霆与卫诗雅，仲有黄宗泽、张继聪呢对孖宝坐镇，已经够煞食。黄宗泽喺电影中首次扎职升呢做咗“大哥”，又有啱啱结婚但话题度居高不下嘅陈家乐主演，呢趟江湖陌路必定精彩。 搏命刑警探虚实 《河边的错误》改编自余华同名小说，讲嘅係一单诡异的凶案，喺调查中牵扯出多个嫌疑人。刑警男主角係查案时，逐渐陷入荒诞、不安、难分虚实，人性中的邪恶让人始料不及。在片中，朱一龙饰演一位搏命刑警，为表现角色由“过劳肥”到“面黄肌瘦”的形象转变，佢喺短短两个月内，先增肥30斤再激减20斤。今次係佢首次参演文艺片，形象同佢本身嘅清靓白净有好大落差，极致刻画角色嘅“疯批”特性，把余华小说的黑色幽默感演绎得淋漓尽致。电影上映当日，Color观影团亦包场请粉丝睇戏，睇完电影之后大家纷纷为主角演技打call，对电影细节铺排、开放式剧情讨论到欲罢不能。据灯塔专业版数据，影片上映两日，实时票房已经突破一亿。 萌宠传情促成长 《再见，李可乐》中嘅“可乐”其实係一只可爱嘅狗狗。女主角认为係因为妈咪“狠心”，佢失去咗爹地，而在狗狗“可乐”嘅陪伴，令佢慢慢理解妈咪的做法并接受残酷的现实。从萌宠嘅视觉出发，令原本悲伤嘅故事变得温暖了不少，用宠物串起了家庭嘅悲欢离合，爱与成长变得特别温馨。喺呢部电影里面特别出演的吴京，饰演嘅係二十四孝“女儿奴”爸爸，诠释另一种铁汉柔情；女主角谭松韵喺戏中演绎咗软弱、倔强、任性、叛逆等少女性情，同“风情影后”闫妮嘅对手戏亦非常有意思，饰演两母女嘅佢哋，由水火不容到最终理解，爱嘅连结，令佢哋成为彼此成长过程中的甜蜜负担。
