爱心狙击 甜而不腻

　　

　　最近，又一波小甜剧上线，除咗有靓靓女主角hold住霸总男神之外，仲有志同道合嘅欢喜冤家、治愈萌宠来助攻，经得住生活杂事考验的爱情，反而甜度飙升、甜而不腻，给观众带来新鲜感。来来来，准备好接受爱心狙击未啊？

　　

　　郭玮/文  海报、剧照/图

　　

　　 粉红色“商战”

　　

　　《以爱为营》由白鹿同王鹤棣两位年轻的流量艺人主演，女主角係财经新闻界嘅佼佼者，男主角係年轻有为嘅商业霸总，二人喺一次机缘巧合下相遇，一拍即合、一起努力实现人生目标，日久生情最后顺利拉埋天窗。以前嘅“霸总爱上我”戏码，一般都钟意用贫富悬殊、历经艰难险阻或者共患难之后，先可以喺屋企人嘅反对声中勉强行埋，但今次剧情安排男女主角都係叻叻猪，一出场就已经有“门当户对”嘅感觉。虽然剧情离地但少咗套路，亦比较少卖弄粉红泡泡，而係将实现抱负嘅上进心、回馈社会的责任感、激烈嘅财经商战穿插其中，为纯爱剧增加咗励志元素，令大家觉得几有新鲜感，甜而不腻。

　　

　　

 

 

 

 

 

　　 浪漫“烟火气”

　　

　　《爱情有烟火》改编自晋江小说《投行男女》，顾名思义，男女主角都係投行精英，但偏偏两人嘅人生观、爱情观完全相反，“天意弄人”将佢哋安排同一屋檐下，略略有啲套路嘅剧情就在所难免：开始诸多拗撬、成日互怼，慢慢了解后互生情愫，最后挽手奔赴美好前程。呢部剧嘅亮点係由王楚然加檀健次主演，带有浓浓生活气息嘅女主角，用自己嘅生活态度感化咗男主角，令佢意识到爱情、生活、事业都需要有啲烟火气。两人嘅同居生活搞笑又sweet，浪漫满屋，睇到人不禁嘴角上扬。

　　

　　

 

 

 

 

 

　　Pet pet“甜宠”爱

　　

　　睇到剧名《甜蜜的你》，大家都会以为佢係下饭甜宠爱情片，其实剧中主角係一堆萌宠。剧情在兽医同兽药集团的太子爷中展开，王鹤润同黄子韬都服务于小动物，有病就帮佢哋治疗，离开就为佢哋善终，睇住啲小动物由生到死，人宠互相治愈、共同成长，十分温馨。见到小动物同佢嘅主人和谐共处、乐趣多多，主角会深深体会到生命的价值。可爱嘅Pet pet嘅可可爱爱、小情侣嘅暧暧昧昧，令整部电视剧甜度爆表，睇完觉得心底一股暖流，觉得小宠物係时下最hit嘅“暖宝宝”。