Local带路： 打卡潮"咖"圣地

　　一个产业园内集合咗10间唔同风格嘅咖啡品牌？唔单止令打工仔的幸福感飙升，园区亦成为潮人们的潮“咖”圣地。讲紧嘅就係“可乐生活”大本营所在嘅羊城创意产业园（下简称“园区”），今期一于等Color君尽下地主之谊，带大家园区咖啡馆去chill一chill！

　　饶禧/文 黄译萱/图 饶禧/模特

 

　　

　　最紧要快手

　　对于打工人嚟讲，早上一杯小小咖啡可以帮你keep住成日嘅活力。想要节约买咖啡时间，我哋需要取餐快嘅啡店打配合。园区内嘅连锁便利店711、有家、全家，都有出品自己嘅咖啡，虽然只有几款经典咖啡，但胜在快、靓、正。坐镇园区4号门附近嘅专业咖啡连锁店瑞幸，经常同各种IP联名互动来诱惑你，门口就可以停车，园区内外嘅人想来消费都方便。Tims天好咖啡最出圈嘅係贝果同新奇味道咖啡，佢就开喺羊城同创汇里面，楼上返工嘅打工人幸福了，线上下单，返办公室打完卡，就可以落楼攞咖啡、食早餐了！

 

 

 

 

　　

　　“啡”常有灵气

　　忙完工作，就想去咖啡店歇一歇。园区里面有几间咖啡店，环境布置舒适、空间开阔，好适合同同事朋友叹啡倾计。最早进驻园区嘅筑梦咖啡，沙发位、餐桌位都设计得好舒服，而且座位备足电插座，打工人可以带着电脑嚟打工；咖啡店老板係设计师，同广州艺术界关系匪浅，咖啡厅旁边就开设艺术展厅，不时邀请广东美术院师生来策展，来这里叹啡，分分钟可以免费睇展，接受下艺术熏陶，可能会俾到你工作灵感呢！后车站装修係由台湾著名舞台师“二马”设计，大大嘅玻璃门窗把自然光引入，温暖的光线让人感觉放松，店内除咗咖啡，仲有台湾地道菜可以品尝。户外露营餐bar——Cross108，帮你实现露营自由，饮住咖啡，吹吹风、吹吹水，挂满树梢嘅“打工人语录”提提你，保持清醒、好好上班。

 

 

 

 

 

　　

　　叹露天咖啡

　　唔出园区，叹啡仲可以实现探店自由，一边叹啡一边出片。开喺大树下嘅方块咖啡，几乎成间玻璃屋咁，室内可以望景，室外可以露营，加上咖啡出片造型有小心思，就算你坐喺小角落，拍片一样好好睇。店家还有一部橙色咖啡车，佢会穿梭在园区各大市集，每次都吸引到好多人来打卡。园区3号门边新张嘅1936酱酒&咖啡馆，周围是一小片中式园林，嚟一杯自带罐壶嘅“烤奶”，就可以感受围炉煮茶嘅仪式感。开喺园区主干道上嘅回生咖啡，咖啡台係开放设计，座位是背靠吧台或者set在路边，可以睇着路上人来人往、放空自己，门口报纸架仲有《可乐生活》报陪你。拿份报纸、用吧台或者对面花店“花间自然与艺术”做背景，拍出露天咖啡馆叹啡的松弛感。