帮春天加个BGM

　　睇到大家平时成日戴住耳机，就知道大家无时无刻都需要音乐。人间四月天，正係春游季，除了带便携音箱，我哋仲可以带上各种乐器，用自己的心情帮大自然加个BGM（背景音乐）。冇学过乐器都唔紧要，依家乐器升呢，有科技嘅加持，零基础嘅你可以随时随地化身音乐大师！

　　饶禧/文 品牌官网/图

 

　　

　　一人一支team

　　讲到对新手最友好嘅乐器，唔少朋友都会第一时间谂到吉他。上手容易、方便随身携带、演奏风格多元，但想要弹出完整嘅歌曲，需要系统学习乐理同双手配合练习，长期按弦后手指仲会长茧疼痛。“LiberLive”推出嘅无弦吉他，将琴颈和琴弦改成按键，只要左手揿住和弦键，右手拨动薄片就可以轻松演奏，唔使惊手指痛了。呢款无弦吉他配备咗对应嘅app，能够随意切换丰富嘅伴奏；唔同歌曲喺APP界面都有按键灯光提示，弹唱者可以跟住提示弹，快速上手。更妙嘅係，可以在琴颈旋转按钮变调，方便大家揾翻适合自己嘅音调；想要转换曲风，拨动大薄片，即可激活鼓机贝斯，一个人就係一支team。LiberLive无弦吉他比传统吉他细三分之一，重量大大减少，折叠起身就能放入背包，露营、开party，摞出佢尽情弹唱。

 

 

 

 

 

　　

　　　　

　　一敲变鼓神

　　当睇到band喺舞台尽情演奏，尤其係鼓手随住音乐嘅律动打鼓，你有冇一刻想变成鼓手？学习打鼓，需要配套一set架子鼓，放喺屋企会好占空间，想练习嘅时候可能仲会嘈到邻居，亦唔方便带出门，谂过呢啲“阻碍”后你可能会打消学鼓嘅念头。而“感音”推出嘅空气架子鼓，占用空间小，仲可以被“带”出室外。演奏者只需要两个鼓槌、蓝牙音箱，就可以完成一场演奏。开机时将电子鼓槌摆成夹角定位，即可模拟一个睇唔见嘅“仿真架子鼓”，再贴上脚踏，跺脚模拟踩踏踩镲以及底鼓踏板，通过敲击、跺脚，就能一秒变身“鼓神”。感音空气架子鼓仲采用识别轻重鼓声嘅黑科技，让音色听起身更真实，敲打动作能被高速传输、捕捉，延迟低过2毫秒，演奏者就唔惊受网速影响，敲到“卡机”。

 

 

 

　　随时合成新歌

　　钟意玩音乐的朋友，对音乐合成器一定唔陌生。它可以采集声音，制作各种声音，改变音色，编录、制作自己的音乐。传统嘅合成器多为键盘式，一般放喺录音室使用，而“Teenage Engineering”出嘅PO系列，就将佢哋升呢为袖珍口袋生成器，比手掌仲细，放入袋就可以轻松带出门。咪睇佢细，该有嘅功能都十分齐全，包含十几种合成街机音色（街机游戏的音效）同插入式效果，可以轻松混合。从鼓机、贝斯、主音合成器到打击乐，单独使用或者组合制动都可以，随时能组建自己的“迷你乐队”。遇到钟意嘅声音，可以即刻拿出嚟录低，捕捉每个灵感瞬间。袖珍口袋生成器嘅造型仲好复古，突出嘅按键模拟原始电路板。开机后，显示屏仲有可爱小人移动，好似古早game嘅动画画面，唔同主题会有唔同嘅音效、动画，主题中还有知名IP联名款。无论你係新手定係资深玩家，用佢制作音乐都会感受到前所未有嘅新鲜感。