上天台玩运动

　　踢走暑热，运动吧！

　　

　　炎炎夏日，只能靠空调续命？No way！生命在于运动，在高楼大厦林立的市区，我哋跑上天台玩，无论是水上乐园还是山野林间，水中嬉戏都不要忘记，做个潮到风湿嘅人，时尚嘅防晒衣、夏日气泡妆，都给我set好！嚟一场畅快淋漓嘅运动，释放你嘅汗水同压力！

　　

　　策划：骆苹、曾敏妍

　　统筹：曾敏妍

　　执行：黄译萱、饶禧、王慧诗、张子殷、汤唯闻、秦丽莹

　　

 

　　夏日行上天台，晴空下同阳光say hi，热焫天气难阻运动热情！当顶楼天台变成运动场，视野变得开阔、玩法更丰富，无论係竞技高手，定係运动菜鸟，都可以搵到适合你玩嘅花臣。

　　

　　黄译萱/文  张子殷、店家提供/图   汤唯闻/模特

 　　匹克球场

　　

　　“光明顶”摆pose

　　

　　人来人往嘅北京路中心，竟然有开阔嘅球场畀大家运动？原来喺光明广场顶楼，收埋一个多元嘅“文体公园”，除咗可以同球友挥洒汗水“决战光明顶”，仲有好多出片机位畀你大摆pose。喺平整阔落嘅绿茵场开怀奔跑，化身足球宝贝；喺色彩缤纷嘅篮球场冲刺跳跃，炫球技好吸睛。呢度提供篮球、足球、匹克球等装备，带齐人就可以即时开波。出咗成身汗水都唔紧要，球场边有露营火锅、围炉煮茶，让你随时唞一唞。天台保留咗畀你檎高檎低嘅“纪念碑谷”风格建筑，行走其中好似去到游戏世界，高低错落嘅纪念碑建筑、花香四溢嘅中式庭院都免费开放，旁边就有影相贴士教你点同楼梯、拱门、立柱摆pose，傍晚日落时分来拍片，氛围感最足。

 

 

 　　足球宝贝

 　　纪念碑谷出片

 

　　

　　【星光明文体公园】

　　营业时间：周一至周日 9:00-22:00

　　地址：广州市越秀区西湖路63号光明广场10楼

　　空中花园叹Chill

　　

　　来ZoSkyPark帮你放松心身，养成健康嘅生活习惯。呢度被打造成南美丛林、巴厘岛沙滩、多巴胺绿洲、草坪露营地，为大家提供新奇嘅户外体验。木桩、石块、轮胎都係实用嘅健身器材，让运动变得更有趣。如果你想要小麦肤色，呢度嘅“沙滩美黑屋”可以令你离阳光近一啲，叹个天然日光浴，加啲音乐和阅读，就係一个身心愉悦嘅晏昼。“多巴胺绿洲”嘅浴缸带来刺激的冰浴挑战，据介绍，喺冰块嘅包裹下，可以增加体内多巴胺，帮你驱走疲惫和压力。天台中间嘅草坪和帐篷，係让更多人一起运动的地方，比如Afro舞蹈、Bootcamp（健身训练营）等。其中，无声迪斯科最特别，听着降噪耳机里chill爆音乐，结合瑜伽、冥想等运动方式，大家可以沉浸喺自己嘅世界，又不会干扰别人，连“i人”都可以忘记尴尬。

　　

 　　丛林健身场

 　　冰浴挑战

 　　无声迪斯科

 　　沙滩美黑屋

　　【ZoSkyPark】

　　营业时间：周一至周日 10:00-22:00

　　地址：凯科榕合院6号楼7楼

　　

　　潮运会来play

　　

　　呢个喺深圳嘅办公楼顶，你咪睇佢只有篮球场、足球场同网球场，其实佢可以玩到更多潮爆嘅运动项目，比如飞盘、攻防剑、匹克球等，仲会举办泳池派对、星空露营、宠物运动会等有趣嘅主题活动。无论係运动嘅资深发烧友，定係新人选手，都能揾到自己条team。皆因有一班热爱运动又钟意搞花臣嘅后生仔，好识用天台举办各式各样嘅“潮运会”。通过潮流运动撩拨大家嘅好奇心，让玩家因兴趣而相识、相聚；通过联合运动俱乐部嘅资深玩家，用专业技巧来助攻，帮助运动初哥晋级成运动高手；通过游戏训练、分组竞技等新手教程，引导大家深入体验新潮嘅运动形式，享受从尝试到热爱嘅过程。

　　

 　　腰旗橄榄球

 　　陆冲俱乐部

 　　泳池派对

 　　宠物运动会

 

　　【BigChill大丘运动社区（西丽店）】

　　营业时间：周一至周日 14:30-22:30

　　地址：深圳市南山区云谷创新产业园南风楼B座7楼