趣致新Ball Game

　　

　　2024年奥运会准备开波，定会掀起新一轮“运动潮”。乒乓球、排球、足球？睇落似曾相识、似是而非嘅运动，被民间高手玩出新花样！大家约出嚟玩下呢啲趣味ball game，实行运动社交啦！

　　

　　饶禧/文   品牌官网、BigChill大丘运动社区/图

　　

　　

　　

 

　　

　　泡泡乒乓：规则由你定

　　

　　乒乓球作为我哋嘅国球，几乎人人都可以show翻两下。乒乓波瘾起又苦于冇地方开波？有朋友就发挥想象力，推出新型“泡泡乒乓球”，唔使专业场地、唔使架球网，只要攞出简单嘅工具，随时随地都可以实现打波自由。泡泡乒乓球用吹出嚟嘅泡泡代替咗实体波，球拍套上“针织外套”，材质柔软、击打舒缓，以免选手用力打破“乒乓泡泡”。用吹泡器吹出嘅泡泡，轻盈、反弹力强，可以长时间留存。有咗呢款“泡泡乒乓球”，嚟翻场自创嘅乒乓大赛，规则亦可以随意安排，对新手都十分友好：可以比拼弹“泡”次数，边个“乒乓泡泡”弹得耐边个胜出；又可以双人battle，一来一回，边个先甩底边个失败……大细朋友齐齐参与，既能活动身体，又能拉进彼此嘅感情，释放压力、嗨足成日。

 　　borledor

 　　borledor

 

 

　　Spike ball：4个人就够

　　

　　前排，电影《排球少年·垃圾场决战》上线，风靡十年嘅超人气IP掀起一股排球热，唔少人仲会到打卡位挑战下自己嘅弹跳力。如果从未学过排球，但又想过下手瘾嘅朋友，不妨试下对场地要求较低、上手容易嘅mini版排球——“Spikeball”，一个排球、一个弹网，4个人就可以玩了！Spikeball起源于沙滩排球，规则都同排球相似。最大嘅特色係，玩家可以围住球网360度任意走动，一方冇接到波或者冇将波打入球网里面就会失分。虽然ball game嘅跑动范围相对较细，但是要不断移动、专注打球，需要消耗一定嘅体力同脑力。运动组队时可以男女混搭，交流策略，玩多几次，就可以慢慢扩充自己嘅朋友圈。

 

 

 

 

　　Kin-ball：手接巨型波

　　

　　平时见到的足球，都是用脚踢嘅，我哋今次试下用手玩足球？近年，号称“巨型足球”嘅“Kin-ball”兴起，成为继飞盘后嘅另一个团建热门项目。Kin-ball运动起源于20世纪嘅加拿大，一名体育老师希望人人都可以享受运动嘅乐趣，于是开发咗呢项运动。少咗竞技性、多咗乐趣嘅Kin-ball，玩法原来好简单：比赛共三只队伍，四人一队，参赛队伍需要喺赛中抛起并接住一个直径1.2米嘅巨型但轻巧嘅ball；三队交替发球，接球方必须全员接触到球，防止个ball跌落地。如果冇接住，其他两队就可以各自加一分。玩Kin-ball讲究全员一条心，沟通、配合、默契缺一不可。虽然Kin-ball都係竞技运动，但是分数唔係大家关心嘅重点，快乐运动、团队配合先係重头戏，少咗过多嘅身体碰撞，安全性亦更强。