山间T台 “冰镇”徒步

　　又到咗避暑玩水嘅季节，好多朋友一到周末就跑出空调房，涌入山间溪边撒野，大玩“冰镇式”徒步——溯溪！明星、潮人纷纷用户外溯溪装备，穿搭出唔同嘅风格，带动咗一股“溯溪热”。今期可乐君帮你从头到脚set好，把“荒野求生”玩成“山系T台”，喺山野中留下你嘅潮流印记！

　　

　　黄译萱/文   品牌官网/图

 

　　

　　“土”到极致

　　

　　随着近年来山系穿搭兴起，继洞洞鞋后再掀“丑鞋”潮流，溯溪鞋成为今夏最hit嘅“丑”单品。溯溪鞋功能强大，相当于运动鞋+雨鞋+凉鞋，虽然佢嘅鞋型似“老头鞋”，但保护脚掌同时透气防滑，喺落雨丝湿嘅日子，迅速成为打工人嘅心头好。溯溪鞋想要着得出彩，最潮嘅搭配係色彩缤纷嘅长袜，每换一对新袜，就好似得到一对新鞋，带畀你穿搭新灵感，淡“班”神器get。另外，“橡胶丑鞋”再度升呢，颜色鲜艳超显眼，可折叠、轻量化嘅设计，令你喺唔同场景都可以keep住时尚与舒适。有咗呢啲舒适又得意嘅水鞋，我哋就可以营造出“落班随时上山”嘅松弛感。

 　　亚瑟士溯溪鞋

 　　Keen溯溪鞋+Almond Rocks袜

 　　蕉下雨靴

 　　Hunter雨靴

　　姿整解暑

　　

　　夏日炎炎，在户外一定要注意做好防晒功夫。市面上千奇百怪嘅防晒衣，真係将你想到、未想到嘅需求都满足晒。如果你係去溯溪，选择单品时就要重点考虑是否速干嘅问题，一件陆上高防晒、水中速排湿嘅涉水服，可以帮你“两栖转场”相当丝滑，入水时唔会觉得衣服黐身，上岸后又唔使搵地方换衫。防晒衣想要搭得好睇，可以选择功能性更强嘅抽绳款或者更显腰身嘅修身款，打造身短腿长嘅显瘦比例。如果唔想着得好似特种兵咁，就要多花心思在颜色搭配上，选择浅色、亮色嘅防晒衣，令人睇起身神采奕奕；拣撞色拼接嘅冲锋衣，充满复古味道，亦能成为山水间的亮点。想带多几顶防晒帽做唔同嘅配搭？最新嘅积木帽就最啱你了，因为佢可以轻松拆成渔夫帽、蛋卷帽、护颈帽、防晒面罩四种形态，给你全方位嘅保护，亦满足你姿整的需求。

 　　NOTHOMME

 　　蕉下积木帽

 　　李宁防晒衣

 　　JEEPSPIRIT山系防晒衣

 　　骆驼防晒服

　　

　　“E人”出动

　　对于户外小白来讲，去溯溪讲求嘅係清爽玩水、大啖吸氧，着得舒适又放肆先至够快乐。如果你对自己嘅身材够自信，不如试下同玩水更搭嘅“E人穿搭风”。按照近年回潮嘅运动休闲风（Athleisure）搭配原则，着上轻便快干嘅运动bra、背心，搭配紧身透气嘅健身裤、骑行裤或裙裤等，防晒衣、冲锋衣等外套要轻松穿脱，点跳点跑都不受限制，穿时防护，一脱下就能秒get夏日清凉大片。多巴胺配色，更令你喺溯溪时欢乐加倍。如果想增强机能风，咁就选择时下流行嘅尼龙裙裤，想增加时尚感，就选择自带打底裤嘅花苞裙、包臀裙，既方便山水间行走，又让你嘅山系穿搭更有个性。

 

 　　Mountain Fever花苞裙裤

 　　Mountain Fever背心

 　　acmeitem裙裤

 　　JSC防晒服