苏志尹：Moon and Sun“煮意”

　　

　　可乐君与andy苏志尹，初见于《2021中国好声音》，再遇係“Busking PK赛”，今次约会竟然不务正业咁整面包？第三次见面，andy带来曲风丰富嘅新作品，做人更开朗、倾计更放松，学会enjoy呢个圈子嘅甜酸苦辣，令可乐君明显feel到andy嘅成长。

　　

　　郭玮/文  秦丽莹、受访者提供/图

 

　　用心烹饪“新味”

　　之前andy讲过，喺节目上惊艳咗导师嘅嗰首《失重的眼泪》，係佢喺收到前女友婚讯时写出来嘅。最近，andy推出嘅新歌《Moon and Sun》，就约咗唔同嘅音乐人合作，尝试同以往唔一样嘅曲风，希望畀大家一啲新嘅感觉。新歌中用地球、太阳、月亮三个星球，比喻近在眼前却无法拥抱的无奈，诠释一段三角关系中单恋者嘅感觉。呢只梦幻嘅单曲，收录喺同名迷你专辑中，而专辑中嘅其他4首作品，天马行空的节奏充满幻想 ，每一首歌都有独特嘅味道，专辑就好似andy精心烹饪嘅五味盛宴，吸引大家都去尝一尝，试下边款口味最啱自己心水。

 

 

 

 

 

　　成长有滋有味

　　今次，我哋同andy喺一个烘焙坊约会，初次下厨嘅佢开始有啲紧张，但喺专业老师嘅指导下，再加上可乐君嘅鼓励，andy好快就上手哦。打牛油、搅面粉、包馅料，每一步都完美达成，就连老师都对佢嘅作品赞不绝口。得到专业嘅认证，andy信心大增，笑容都特别甜。想当初，andy只身到香港发展，因为完全唔识粤语，就连喺餐厅点餐都成问题，谂谂都觉得嗰个时候嘅佢好惨。难怪讲起味道，andy特别有感情。家的味道，andy认为係妈咪炒嘅羊肉；爱情的味道呢？佢写过好多“小情歌”，大家听落又酸又甜，而andy却认为爱情应该係辣味，既热情又刺激。

 

 

 

 

　　未来胃口大开

　　曾经参演过舞台剧，又帮电影唱过主题曲，andy话自己仲想尝试参演影视作品。除咗音乐综艺，佢都好想体验其他类型嘅综艺节目。今次同我哋玩过烘焙之后 ，andy对自己厨艺嘅自信立即提升咗，觉得去参加烹饪节目都冇问题。喺我哋今次嘅约会中，andy首次开启全粤语模式，同“Color粤语课堂”揸fit人全程粤语对话，遇到唔明嘅粤语词就即刻mark低、认真学习，佢对每件事都咁认真对待。约会嘅最后，佢应承大家，一定会学习更多技能，创作更多好作品。等我哋期待下一次嘅约会，期待andy畀大家新嘅惊喜。