“世一”潮语讲呢啲！

　　上次黎诺懿带Color君到餐厅点餸，魔性嘅普通话发音“吓”到现场所有人爆笑。今次，佢带着香港“潮语”再次登场，马上follow我哋，升呢做潮人啦。

　　

　　郭玮/文 秦丽莹/图　

　　黎诺懿、郭玮/模特

 

　　

　　坏过凯婷

　　waai6 gwo3 hoi2 ting4

　　“坏过凯婷”其实来源于一篇网络推文。喺文中，学生A指责同学B唔够资格做坏孩子，呢位学生A更自信表示，自己同“凯婷”先係全班最坏嘅学生。后来，香港人就用“坏过凯婷”嚟形容他人品行不端正，或者讽刺某人扮串扮坏啦。呢句潮语喺《香港人在北京》中都出现过噶。

　　造句：人哋先请你饮过奶茶，你转头就去老板面前笃人背脊，真係坏过凯婷啊。

 

　　帮紧你

　　bong1 gan2 nei5

　　呢句潮语来自电影《保持通话》中，王祖蓝敷衍古天乐嘅对白。依家用嚟形容明知他人急需帮助，但完全冇尽力解决问题的敷衍态度。早前，一位香港女乘客遇到紧急情况、心情焦虑，喺的士上大闹司机唔识揸车，耐心嘅司机不停讲“帮紧你”，睇起身係敷衍紧乘客，其实呢一冷静嘅举动，间接安抚咗乘客。后来呢段车内监控被上传到网络，“帮紧你”呢句潮语亦因此出圈。

　　造句：唔好心急，听日先係deadline，帮紧你帮紧你，饮杯茶、食个包先啦。

 

　　世一

　　sai3 jat1

　　“世一”係“世界第一”嘅意思，同YYDS（永远的神）有异曲同工之妙。“世一”起初係fans用来赞美自己偶像嘅词语，后来被人用嚟称赞美食、风景、电影等，或者表达对某样事物嘅支持。喺歌手MC张天赋嘅音乐代表作《世一》中，就唱到“世界太细，请颁个世一给我”。呢个词依家仲衍生出意义更为夸张嘅“宇一”，顾名思义就係“宇宙第一”嘅意思。

　　造句：呢间店真係世一好味，我得闲带你嚟再打卡一次。

 

　　厚多士

　　hau5 do1 si6

　　网络上流传一段影片，一位女士喺港铁车厢内霸占座位并食嘢。由于港铁明令规定车厢内禁止进食，所以有乘客提醒同阻止。违规嘅女士唔单止唔听劝，更破口大骂对方多管闲事，因为佢嘅发音不正，将“好多事”讲成“厚多士”。依家，大家就会用“厚多士”嚟自嘲，形容自己管得太多。

　　造句：你中意扮chok就扮到够啦，我厚多士八卦下喈。

 

　　讲呢啲

　　gong2 ne1 di1

　　“讲呢啲”嘅完整表达应该係“讲呢啲就冇意思啦”，这是一种化解尴尬又不失礼貌嘅公关话术，喺不同嘅语境中有不同嘅意思，当然语气都会有不同。例如，当好友问你借嘢，想表示感谢，而你觉得与好友关系亲密、冇需客气，就可以用“讲呢啲”回应，令氛围变轻松、拉近两人距离；如果有人做错事，诈傻唔认账，亦可以用“讲呢啲”嚟提醒对方，咁样做係唔应该嘅。

　　造句：唔好同我哋讲呢啲，成个钟你仲未搞掂呢件事，你嘅能力好值得怀疑。

 

　　见字饮水

　　gin3 zi6 jam2 seoi2

　　人嘅身体元素大部分由水构成，因此我哋要饮多啲水，令身体健康啲。“见字饮水”係提醒大家睇到呢四个字，就要多饮水以保持健康，常用于表达对他人嘅关心，同理仲有“见字坐直”。郑融喺作品《多饮水》唱到：“治愈中应该多饮水”，佢希望大家听到歌之后，都可以好好照顾自己、保持健康。

　　造句：即使我唔喺你身边，亦都希望你见字饮水，日日开开心心。