家乡美食 异地登陆！

　　

　　喺上世纪90年代，到广州发展嘅河南人，都会将棠下当作“广漂第一站”，把家乡带来的美食汇集在北社大街上。从路边招牌就可以见识河南各地特色菜名，身边好多人都会讲河南方言，令人有种秒穿河南的错觉。

　　黄译萱/文 饶禧/图

　

　　宝汉直街： 新疆风味香气飘飘

　　

　　《我的阿勒泰》热播，引发新疆“旅游热”。来到广州小北嘅宝汉直街，抢先体验下舌尖上嘅新疆。宝汉直街得名于从清朝旺到民国嘅“网红农家乐”——宝汉茶寮，呢度吸引唔少外地人落脚，并带嚟自己家乡的美味，近年来要数新疆美食最多，口味正宗、性价比高，于是被大家叫做“新疆美食一条街”。

　　

 

　　

　　羊肉火辣辣

　　

　　一行到街口，路边就有现做嘅羊肉串，肥瘦相间，一烤就香喷喷，趁热食，啖啖肉汁，肉香四溢。皮酥料足嘅羊肉烤包子，外层面包被炭火烤到酥脆，要趁热食最好味！秀色可餐嘅手抓饭，用咗好多来自新疆嘅食材制作，黄萝卜甜口、胡萝卜脆口，配上大大块嘅羊肉，已经好和味，黄黅黅嘅米饭粒粒分明，仲可以免费续饭。唔食烤馕，就唔算食过新疆菜，呢度嘅店面挂满各种各样嘅烤馕，馕饼经过反复敲打和高温烘烤，加上芝麻、孜然等香料，外面香脆、内里柔软弹牙，亦係一绝。　　

 

 

 

 

 

　　甜品花样多

　　

　　新疆盛产奶制品、水果，来到宝汉直街，你就可以在甜品和饮料上直观体验到。想食奶疙瘩、奶皮子等奶制品，就认准奶白色大冰柜同热情嘅老板娘！喺酸奶店，我哋食到新鲜现做嘅手工酸奶，每一口都有浓浓奶香，仲配上酸甜果酱调味。一位新疆小朋友极力推荐佢最爱嘅玛啦啾，呢种手工雪糕球，单制作就要20几个钟，从新疆空运到广州，搭配一大嚿奶皮、树莓酱和秫米，营养、口感丰富，只需十几蚊一份。街上处处可见嘅杏干茶，原来可以解腻，用杏干、红枣、葡萄干浸在茶中，清甜果香同甘醇茶香完美融合。仲有胡萝卜汁、酸角汁、卡瓦斯（用小麦发酵）等特色饮品，带你感受新疆物产的香甜。

 

 

 

 

　　北社大街：河南美食回味无穷

　　

　　

　　广州嘅外地人口占比过半，有唔少外地美食会来这里“异地登录”，令本地人品尝到千里之外嘅美味，外出闯荡嘅人能够吃上家乡风味。近期，宝汉直街、北社大街非常火爆，就係因为深藏正宗嘅新疆与河南风味，就等为食猫Color君，速速为大家探探路啦！　

 

　　

　　“炸弹”驾到

　　街上店铺门口枱面有成堆金灿灿嘅“炸物”，形状各异，香味诱人。这里的店铺多是家庭式作业，和面、煎炸一刻不停，不断有炸物新鲜出炉，每个人都好忙碌。又大又圆嘅豫东老烧饼，温热中带有清甜味道；糖糕外表金黄酥脆、内里糯软香甜，一啖咬落有糖汁流出；菜角好似韭菜饺plus版，夹满韭菜和粉丝；皮薄馅靓嘅水蒸包，有菜和肉两种馅，底部煎到卜卜脆；唔同size嘅油条，比起广东油条更松软；仲有“食力”嘅朋友，再整一张葱油饼啦！食咗咁多样嘢，最后一计竟然只用咗10蚊，价钱超抵，幸福感又upgrade咗。　　

 

 

 

 

　　饱肚神器

　　据来自河南嘅街坊介绍，炸物要蘸胡辣汤食，风味最正。难怪北社大街上，卖胡辣汤嘅店特别旺。色泽金黄、汤汁浓稠嘅胡辣汤，加入牛肉、面筋、木耳等配料，食落啖啖都係辛辣鲜香味，食完成个人都暖笠笠。钟意食宽面嘅朋友，就千祈唔好错过羊肉烩面，面条嚼头十足，汤汁肉味浓郁，让人回味无穷；钟意细圆面条嘅，可以试下郏县饸饹面，压出来嘅面条好弹牙，要配上肉片和辣椒先够味！想要分量更大，就试下性价比超高嘅烙馍卷菜，用烙馍卷住番茄炒蛋等家常菜，4蚊一份，够食一餐。