即时新闻

萌宠乐园旅行家带你去威

来源：可乐生活 2024年09月18日版次：04 作者：黄译萱

　　在萌宠界当中，比熊Pizza可算係“旅行家”，主人一放假，就会一家人出门去wet。现在，城中有不少宠物友好商场，开设咗“宠物乐园”，既能让萌宠奔跑玩乐，随手可以出大片，又可以结交朋友、搞宠物聚会，真係好啱带住宠物仔去威噶。今期，Pizza会“上天落水”咁，带我哋去探下呢啲得意嘅乐园！

　　黄译萱/文饶禧、受访者提供/图郭玮/模特

　　天台乐园

　　天汇广场就喺地铁猎德站上盖，四通八达、出行方便，商场把宠物乐园设在天台，遛萌宠嘅时候仲可以欣赏到珠江新城嘅繁华城景。商场内有唔少时装、潮玩等店铺可以同狗仔一齐逛，不过宠物友好嘅餐厅就唔算多。喺呢度，猫仔狗仔要抱住或者坐喺宠物车中，临时前往嘅朋友喺二楼服务台可以租到宠物车和领取“铲屎”套装。听讲到咗晚上，一楼嘅户外广场会有好多狗仔来聚会。乘坐宠物专属电梯直上六楼，免费嘅天台宠物乐园设有滑梯、跳台、障碍赛道，畀小宠物散散步交朋友。呢度视野好开阔，仲可以来一出天台大片。提醒一下，天台乐园嘅开放时间同商场唔同，大家记得查清楚再出发。

　　绿茵操场

　　广州无限极广场户外有好大片草坪，可以畀猫猫狗狗奔跑，晚上喺度吹风好凉爽。草坪有宠物运动区，猫猫狗狗仲可以做操、爬坡、跨栏、瓹窿。

　　广场仲有好多暖心小设计，例如超出片嘅宠物打卡区，大家喺巨大嘅猫猫狗狗盒仔前，同自己嘅宝宝同框影相。玩攰咗嚟宠物休息区hea下，绿色嘅小盒仔可以坐，又有钩拖住宠物。有专员看守嘅宠物保管处就够嗮贴心，独自带宠物出街都可以放心去厕所。喺室内，宠物只要拖住绳就可以落地逛街，唔使惊地面温度过高渌脚仔。有啲宠物友好店铺仲设置咗宠物专属座位和宠物休息区，用加倍嘅宠爱让宠物同主人都可以放心wet。

　　水池派对

　　被称为宠物友好界“天花板”嘅佛山“顺联公园里”，係一个街区式的商场，里面爱宠氛围好浓厚，不时会举办宠物派对聚会，绝对係“E狗”天堂。街区内设计了很多猫狗主题，四处可见好cute嘅猫狗元素装饰，仲为宠物们开设了托儿所、医院、美容院等专属店铺，真係有宠物社区嘅感觉，啱晒大家周末带住萌宠宝贝来shopping。街区内大部分餐厅都係对宠物友好嘅，亦有好多畀小朋友玩嘅游乐场，让你做到遛娃遛宠两不误。最值得一去嘅，係街区内仲有一个全封闭宠物乐园，特别嘅宠物玩水区，自带跳台嘅水池，对于狗仔来讲真嘅乐趣无穷。旁边配备咗自助冲凉区，大家唔使担心宠物湿身后冻亲啦。