压力OUT！室内暴汗新体验

　　平时翻工被硬控在工位上，放假肯定想尽情运动，发一身汗零舍酸爽！虽然已经入秋，但广州嘅高温仲唔舍得走，大家都盯上了各有特色嘅室内运动场馆，游戏模式超多，蹦蹦跳跳真可爱！事不宜迟，let's go！

　　饶禧/文 黄译萱/图

　　饶禧、黄译萱、郭玮、陈柱权/模特

　　朋克运动风

 

　　竞技场

　　位于天河岗顶嘅室内沉浸式游戏馆，拥有像素风环境同超in游戏，店内一共有六个主题竞技房间：打篮球、攀爬、踩方格、掟沙包等。前排好hit嘅“鱿鱼游戏”就够晒刺激，当熟悉嘅口令响起，体验真人版嘅“一二三木头人”。而 “动态攀岩”就模拟真实攀岩动作，需要玩家一手捉住扶手，另一只手熄灭红灯，真係几考臂力噶！每款游戏仲设置咗多种模式。想睇睇平时嘅默契如何，可以选择团队模式；想一人独享冧巴温，就嚟试试刺激嘅PK。游戏馆会帮玩家配有手环，输入ID就拥有自己嘅专属角色；店员跟足全场，介绍游戏嘅玩法，令大家更快进入游戏状态！

 

 

 

 

　　健身房

　　馆内处处係赛博朋克元素，喺多彩灯光嘅烘托下，仿佛进入电子世界，影起相劲有科技感。每间游戏房会根据唔同主题，设置独特装饰，让大家喺沉浸式嘅游戏场景下，感受体力、脑力、团队合作于一体嘅玩game新体验。呢度嘅游戏有动有静、可以自由切换，令人尽情暴汗，乐此不疲，十足十係嗰新型“健身房”。Color团队跑跑跳跳，不知不觉就玩咗成粒钟，个个玩到大汗淋漓，一日嘅运动量达标啦！

 

 

 

 

　　像素派对PixelParty

　　营业时间：周一至周五11:00-21:30 周六、周日11:00-22:00

　　地址：广州市天河区龙口东路28号

　　

　　蹦跳新玩法

 

　　check默契

　　除咗呢啲刺激个人项目，馆内仲设置咗适合一大班friend团建嘅区域：“高空索道”，需要大家默契配合“飞檐走壁”，先可以打卡过关；“CS枪战区”，着上感应防护服、揸住逼真嘅道具，多人进入赛博朋克“战斗区”，畅快淋漓激战。“战场”上有唔同门板做掩体，配埋紧张嘅背景音乐，沉浸式体验真人版“吃鸡”。打完枪战，仲有超大型嘅模拟足球场，同蹦床版篮球场等等，一边享受“升呢版”运动，一边暴汗消耗卡路里，解压值max！

 

 

 

 

　　

　　考心跳

　　喺广州南站嘅蹦床主题馆里面，有20几款项目俾大家玩足一日。馆内分为自由蹦床区、专业蹦床区同蹦床互动投影。其中，刺激尖叫嘅项目特别受欢迎：“独木梅花桩”要求玩家要克服高空恐惧，往上行；最受欢迎嘅“魔鬼滑梯”，刺激程度同名字一样，从接近90°的垂直滑梯一跃而下，好似坐紧垂直过山车，等你在失重感中放飞自己；“旱雪滑梯”以快出圈，极速冲刺后玩家会被抛向空中……玩嘅就係大胆同心跳，尽情嗨玩尖叫，感受肾上腺素急升的快感！呢度每个区域都配备专业安全员，馆内张贴嘅蹦床百科，初哥们既能够体验运动快乐，又轻松get到新知识。

 

 

 

　　　　

　　反弹蹦床乐园（广州南站店）

　　营业时间：周一至周五11:00-20:00 周六、周日10:30-20:00

　　地址：广州市番禺区汉溪大道西233号