Fashion BGM二选一

　　英皇旗下漾星嘅新人“战战”战金意同“阿鱼”余浩斌，变身“造型师”帮Color君打造全新look，闺蜜视角与男友视角各有特色。最近，两人咁啱都出咗新歌，励志向上同治愈温暖，唔同心情适合唔同嘅声音，呢个moment你嘅BGM係咩咧。

　　郭玮/文  秦丽莹、经纪公司提供/图

 

　　转look有心机

　　

　　战战同阿鱼虽然仲係新人，但对穿搭打扮都有唔少心得，今期佢哋决定帮中意T恤搭牛仔裤嘅Color君换个look。战战觉得女仔自信就最靓，所以佢帮Color君拣咗透视贴身吊带小短裙，因为怕Color君斋穿小吊带唔自在，战战仲贴心安排咗牛仔马甲外搭，既唔会遮住服装嘅特色设计，又俾到足够安全感模特。最后，成个outfit同战战身上原本嘅迷彩look，完美衬成闺蜜装。阿鱼则用男友视角帮手拣衫，中意简约风嘅佢觉得女仔用小背心搭牛仔裤睇起身利落又有型。露脐无袖款上衣，加上低腰款牛仔裤，将Color君嘅手臂同腰间线条衬得好靓。因为整体造型相对简单，阿鱼就用心搭埋银制首饰、大扣腰带等花咈嘢，强调细节，搭出嚟嘅效果更有型。

 

 

 

 

　　向月光出发

　　

　　战战嘅全新单曲 《瞄准月亮》，係一首表达勇敢、坚韧情感嘅作品。歌曲中嘅佢心中有梦想，在黑夜中以月亮的光为目标不断努力，MV中嘅佢更首次穿上婚纱，表现自己敢作敢为、不被定义嘅决心。我哋特别喺东山口揾到一家月亮专题展览，约埋战战带住新歌去一探究竟。呢度有以大片蓝色作背景嘅月亮画作，又有小巧精致的反转胶片月亮图，满月红亮令人觉得有希望，镰刀月瘦长但好光亮，俾人温暖的感觉。月亮展里面嘅艺术品似乎都有一段故事，战战对每一件展品都好感兴趣 ，更试图从中寻觅佢新歌嘅影子。喺一款书签上面，战战睇到一句话：去追寻月亮，即便无法抵达，也会落于繁星之间。同《瞄准月亮》嘅歌词“瞄准了月亮，即使偏移，也会落在星辰璀璨之间”不谋而合，keep住初心，向光而行，有种志同道合嘅感觉。

 

 

 

 

 

　　“岛”上被治愈

　　《岛》係阿鱼签约新公司后嘅首支单曲 ，佢将每个人都比喻成一个岛屿，有小船会埋岸，亦可能有飞鸟留恋，就好似每个人生命中嘅过客一样，或去或留。MV中阿鱼到海边、荒地取景，虽然始终只身一人，但暖洋洋嘅滤镜同佢温柔嘅歌声搭配，特别治愈人心。同《岛》一样咁治愈人心嘅，仲有东山口“佘诗曼同款”儿童展，喺里面除咗有超sweet手手背景墙可以打卡影相，仲有鬼马毛绒公仔摆设。展览中大部分展品都係小朋友用回收品创作嘅作品，匙羹做头发，气球拼成衣服，涂上颜料做底色，即刻就係一幅立体嘅“名画”。阿鱼揾到一条悬挂喺半空，用各种唔同材质嘅材料拼接而成嘅大鱼模型，场景搭配咗蓝天白云、海水浪花，真係好有“岛”嘅感觉，唔知“岛主”阿鱼喺呢个缤纷儿童展上，有冇被治愈到咧。