《黑金风暴》用全TVB阵容俘虏剧迷，除咗有正宗港味警匪之外，林峯饰演嘅“韦sir”为咗捉拿嫌疑人专门去到澳门。剧中角色斗智斗勇嘅情节够嗮刺激，而沿途路过嘅景点，也别有一番风味，好值得放慢脚步慢慢逛噶。今期Color就同大家一起，跟住“韦sir”来一趟“黑金”云旅游！

　　

　　郭玮/文 

　　郭玮、《黑金风暴》剧照/图

　　

　　

　　去大三巴旅拍

　　

　　

　　大三巴牌坊係澳门最具代表性嘅一个旅游打卡点，所以“韦sir”嚟到澳门执行任务，都难免喺度转咗转。特殊时期游客少咗，显得格外清静，冇咗“人山人海”嘅衬托，你可以搵翻个最佳位置，摆个靓靓pose，留低你同牌坊嘅合影。路旁所剩不多嘅几间老字号手信店，依然有店员落力嘅叫卖声，似乎唤醒紧大家对呢度昔日车水马龙繁华景象嘅记忆。影完打卡相，可以沿住大马路步行街一路往上行，你喺呢度几乎可以一次过买齐要送人嘅手信，同自己心仪嘅舶来品。

　　

　　

　　

　　潮慢交错小街巷

　　

　　

　　澳门真係好多小街小巷，而且各有特色，剧集中一闪而过的街街巷巷，收埋唔少值得游玩嘅景点。好似短短嘅十月初五街，因为处于一个上升嘅地势，由头行到尾竟然会令人有啲喘气。呢度有唔少葡国餐厅，白天比较安静，店铺亦少有营业，入夜饭市开始，十月初五街就会灯光火猛，开启“营业”模式。烂鬼楼巷个名有啲得人惊，但修缮之后已经成为网红景点。呢度有充满神秘感嘅古董店，又有啱后生仔女嘅coffee shop，竟然仲有一间可口可乐博物馆，入面除咗展出各种奇特版嘅可口可乐外，仲可以购买各式可乐周边添。烂鬼楼巷半空永远挂住三角小旗子，认真望望，原来係彩布剪出嘅装饰。小街小巷嘅壁画，旁边可能就会有悠闲叹茶嘅街坊，潮与慢生活嘅交错，好似一个与世隔绝的时间空隙，等繁忙嘅都市人，可以发下吽哣，relax一下。

　　

　　

　　

　　咸咸哋嘅童话村

　　

　　

　　《黑金风暴》中，为咗剧情紧凑，“韦sir”踩住单车转个弯，就由大三巴到咗路环岛。现实当中当然就冇咁夸张，路环岛其实有公交车可以直达，呢个小渔村真係好值得去逛下噶。沿海而建嘅小村落靠海为生，空气中弥漫住谈谈嘅咸味，随意一间小店，都会用海味干货“装扮”一下自己，肥美嘅鱼胶、鲜香嘅海货……应有尽有咁对应“海世界”。如果你仲要长途奔波带货，店家会帮你细心包装商品，包保唔会窜味走气。小马路窄窄哋，两边有彩绘成各种颜色嘅小房子、小别墅，可能係幼稚园，又或者係小资咖啡馆，令你以为自己误入童话世界。不过，路环岛上嘅树木偏矮，如果係阳光明媚嘅日子去玩，好有必要带上防晒用具。