扭扭棒唔係小朋友嘅玩意？就喺暑假，有个北京手工达人展示用扭扭棒制作出来的中国龙、凤凰、貔貅等国风神兽，令网友大为惊艳。中意“搞搞阵”嘅可乐君当然唔会错过咁好玩嘅新玩意啦，今期带大家一起扭扭拧拧，做只可爱嘅扭扭棒“宠物龙”。

　　

　　郭玮/文 陈祉伶/图

　　

 

 

 

　　

　　“扭拧”多变化

　　

　　

　　扭扭棒，其实就係一种以幼铁丝为芯，外面包裹毛绒嘅条状物料，因为颜色鲜艳，柔软又可塑性高，可以被扭拧成各种形状 ，经组合、搭配颜色之后可以制作成唔同形状嘅作品，所以受到唔少手工达人嘅青睐。大型作品就肯定费心又耗时噶啦，如果想用短暂嘅休闲时光浅尝扭扭棒嘅乐趣，就可以尝试制作小花、小饰物，或者简单嘅小动物过下手瘾，啱开始落手扭嘅时候可能有啲唔知点用力，但跟住步骤指引慢慢练习，好快就可以掌握个中技巧，只要再俾啲心机，靓靓成品就会从你手中诞生！特别提示，小朋友玩嘅时候家长尽量协助，因为扭扭棒中芯嘅铁丝都较为尖锐，一定要小心操作以免刺伤。

 

 

 

　　

　　

　　上手一条龙

　　

　　

　　时下最兴嘅玩法，就係用扭扭棒嚟制作自己专属嘅“宠物龙”。千人千色，就算用同样手法、同样花色，扭出嚟嘅作品都会唔一样噶，每个成品都可以话係独一无二嘅。一般制作一只30cm长嘅“龙仔”大概需要耗费150至200支扭扭棒，根据“龙”嘅复杂程度，会有多少出入，大家买材料嘅时候可以咨询卖家，佢哋会根据大家嘅实际情况，俾出更最专业嘅建议。“龙”嘅眼睛都可以从网购平台入手，如果选购“扭扭龙制作套餐”，就可以包埋“眼睛”同胶水噶啦。

　　“龙”的诞生

 　　

　　

　　

　　1拧骨架

　　

　　取出2条扭扭棒，十字交叉拧实起头，制作出龙身嘅骨架。因为扭扭棒质地偏软，也可以用更粗硬嘅铁丝扭出骨架，方便后期定型。

 

　　

　　

　　2绕龙身

　　

　　用多条扭扭棒不断缠绕、包裹骨架，操作时尽量令扭扭棒排列紧致。缠绕用力要适中 ，既要压实每一个扭结接口，又要尽量保持整体形状。

 

　　

　　

　　3装龙眼

　　

　　喺缠绕好嘅头部上纵向穿插扭扭棒，打造“龙”嘅眼眶，再用胶水固定好眼睛，并调整上下眼皮。可根据龙头比例、形状自定义眼眶位置。

 

　　

　　

　　4造龙髀

　　

　　根据龙身size制作“龙”嘅四肢，扭出“鸡髀”形嘅骨架再缠绕，四肢要缠绕得够结实。一般前爪相对细只啲，龙髀就可以肥美粗壮少少。

　　

 

　　

　　5加对翼

　　

　　要记得为龙仔加番对翼，可以根据自己嘅喜好，保留镂空走型格路线，定係中间贴纱布制造浪漫感觉。双翼size也要配合龙身体型，过大、过细都会影响成品美观噶。

 

　　

　　6组装时刻

　　

　　将四肢、双翼等等“零部件”用胶水固定置身体适当位置，技术过关嘅朋友，都可以选择用扭扭棒穿插係“零部件”之间进行固定。

 

　　

　　7成品