成日睇住可乐君四围觅食寻欢，大家係咪都好想知道边度可以活捉可乐君呢？见大家咁熟，咪话Color唔俾贴士啦，有以下几种特质嘅地方，都好大机会同可乐君偶遇嘎！

　　黄芷晴/文  Color团队/图

盏鬼美食馆

　　　　为咗帮大家搜罗到最有特色嘅珍馐美味，可乐君要走遍大大细细嘅有趣食肆，试味、影相、挖猛料，真係一啲都唔简单噶。今期可乐君搵到一家盏鬼棉花糖店，斋影相就已经好靓！想知作为童年零食嘅棉花糖可以玩出乜新花臣？想知靓仔哥哥点解要帮棉花糖“理发”吗？Mark住07版啦！

至潮宝藏店

　　个性鲜明嘅小众书店、玩乐无穷嘅桌游馆……无论呢啲至潮宝藏店隐藏得几深，只要佢有足够吸睛嘅闪光点，可乐君都会谂尽计仔挖掘佢出嚟！偷偷话你知，我哋今期又发现咗一间藏在深巷里嘅宝藏小店，成家店从氛围、摆设以及商品都会俾到惊喜大家！仲有位超好玩嘅手作人，可乐君会带你哋认识。

DIY小作坊

　　最中意搞搞新意思嘅可乐君，一定唔会错过各种新奇好玩嘅手工艺。我哋除咗会去拜访“隐世高人”偷师学艺之外，醒目过人嘅可乐君仲好经常自学成才，自创生鬼又易学嘅手作教程，方便大家轻松解锁新技能。今期Color牌DIY小作坊又上线啦，究竟有乜好玩嘢？快啲去睇睇啦。　

新扎打卡点　

　　边度有最出片嘅打卡点，边度就有最IN嘅可乐君！城市变化的脚步从未停止，可乐君不但会将新鲜滚热辣嘅网红打卡地分享俾大家，仲会亲身上阵，为大家示范靓爆镜嘅打卡姿势噶。今期我哋就带大家去到偷偷变靓嘅旧街巷，不但打卡影相好出片，仲能感受到浓浓嘅历史文化氛围同烟火气添。

　　NEWS

曹永廉雨中献爱心

　　前段时间，身处广州嘅香港艺人曹永廉，趁工作空档化身社区志愿者，喺核酸检测点服务。佢引导大家秩序排队，协助老人操作健康码，一丝不苟投入服务工作，任由雨水打湿都毫无怨言。体验过志愿者嘅工作后，曹永廉感慨到：“这份工作真的不容易！”佢坦言，以前都係自己向人寻求帮助，今日可以用自己嘅力量帮到其他人，好有满足感。（郭玮/文）

　　奢华香氛“双子星”首登广州

　　近日，雅诗兰黛集团旗下两大香氛品牌凯利安（KILIAN）与馥马尔香水出版社（Editions de Parfums Frederic Malle）进驻太古汇。作为广州首店，馥马尔香水出版社的店铺采用了别具一格的图书馆概念，木质结构书架上摆放着香氛作品、调香师资料，叙述香氛作品及其背后的创作故事；凯利安店铺用酒柜吧台设计陈列品牌标志性的香氛，把轩尼诗家族的酿酒文化与香氛艺术结合呈现。店内暗香浮动，大家行过路过，可以去体验下。（郭玮/文）　　

　胡鸿钧佛山开唱　　

　　结束澳门站的音乐会后，胡鸿钧又马不停蹄赶往佛山开唱，一连两日变身钢琴王子冧粉丝！有别于巡演首站-广州站嘅“石敢当守护小熊”式演出，今次佢特别在佛山站嘅舞台加入舞蹈元素，dancing版的《我们在结束时开始》俾到歌迷好大惊喜。恰逢10月29日係旧历十月初五，鸿钧“初哥哥”上身，为大家深情献唱《祝君好》，特别应景暖心。胡鸿钧内地巡演仍在继续，敬请期待下一站。（郭玮/文）