六福金月饼

　　

　　

　年底啦，各种各样嘅年会、饭局、宴会陆续有嚟。出席呢啲重要嘅社交场合，靓靓首饰係个加分项，想要做自带光环嘅潮人，黄金饰品一定唔可以少！现在，很多品牌的金饰设计得时尚又好玩，包保你成为场上嘅时尚小“金”主。

　　

　　郭玮/文 品牌官网/图

 

　　

　　

　

　搭配，自己话事

　　

　　

　　无论咩场合，追求个性嘅后生仔女，都希望自己係最独一无二嗰个，可以自由搭配嘅黄金串珠就最啱佢哋啦。麻将系列嘅转运珠，单串一粒最好意头嘅“发”字已经够嗮威水，又可以按当日心情，从“东南西北”中拣出最合心意嘅方位字串起，中意嘅话成副牌戴齐都冇问题噶。字母镂空串珠可以拼名字、拼祝福语，戴上身就係你专属嘅装饰品。各种IP联名嘅小金饰，都可以根据自己最冧嘅角色、最想要嘅寓意嚟搭配，少少哋一两粒就係简约风，串多几款就更大体，丰俭由人，搭配全都由自己话事。

 　　潮宏基“人生赢家”手串

　　

　　 　　

   　　谢瑞麟史努比串珠　　 

　　“限定”，更矜贵

　　

　　

　　每个品牌都中意推出限定款嚟吸引人，明年就係兔年啦，想“应节”装身嘅朋友仔依家就可以开始入手兔仔饰品啦！有兔仔头加兔pat pat一对嘅耳钉，唔对称嘅设计有趣又搞怪。兔仔最爱嘅胡萝卜，肥肥短短嘅造型好精致，讲成有“口音”嘅“福萝卜”十分可爱。“钱兔无量”“有钱兔”等等产品大玩谐音梗，戴喺身上盏鬼得意，又有满满仪式感。除咗造型百变，质感上仲可以有磨砂、光面、镜面……黄金首饰一样会玩好多花臣。　　

 　　

　　周大福“有钱兔”吊坠

　　

 　　周生生镜面兔子吊坠

　　

　　

 　　周大福兔子萝卜耳钉

　　　　

　

　　CP款，低调放闪

　　

　　

　　年底好日多，婚庆喜事也特别多，成双成对嘅CP款金饰其实花样特别多，唔再只有夸张又笨重嘅龙凤镯，有好多小饰品日常都啱用，深受后生仔女嘅欢迎！好似孙悟空头顶金箍嘅情侣对戒，寓意好明显，设计又时尚，戒指虽细但细节一啲都唔马虎，上面嘅祥云纹样雕刻得好精致，华丽但唔张扬。男女款嘅吊坠用特殊烤漆工艺上色，红蓝配色啱好中咗“自古红蓝出CP”的网络梗，好适合小情侣互送表爱意，长辈相赠亦不会老土。仲有双喜拼接嘅手链、字母吊坠，都係满满爱意嘅小金饰，聚会时候低调放闪、官宣关系，讲嘅就係呢啲款了！当然啦，每个CP款嘅饰品都可以单独购买嘅，最紧要係款式啱自己心水。

 　　

　　六福CP手链

　　

 　　

　　周生生 对戒

　　

 　　

　　六福 CP吊坠

　　

　　同场加映

　　送礼有新意　

　　

　　年底仲有唔少喜庆、年度聚会场合，你可能需要送份礼物俾闺蜜好友。除咗戴上身嘅饰品，仲可以考虑可玩赏可保值嘅黄金摆件。金饺子、金月饼、金奶茶……各种可爱嘅小摆设，实心够分量。小小金雏菊别致又斯文，又唔会好似凤冠、龙钗咁夸张，买翻条黄金橡筋扎头发，贵气马上从“头”起。中意玩桌游嘅朋友仔，可以入手黄金骰仔，碌起来金光闪闪，不过金饰质地偏软，容易磨损，都係以观赏趣味为主啦。

 　　善有缘

　　太阳花橡皮筋

　　

　　

 　　周大福“奶茶”金块

　　

　　

 　　大家坛黄金骰子

　　

　　

 　　

　　周大福“包里有福”