如果你想组织一场令人难忘嘅聚会，最重要的准备是什么？答案当然是气氛！气氛营造得好，参加聚会嘅人自然觉得心花怒放，会纷纷拍照打卡、发图刷屏，聚会的快乐即时翻几倍！而气球、棉花糖可以话係近来最受欢迎嘅两大气氛组“神器”，今期Color君就搵到咗两家专营“神器”嘅宝藏小店，睇下我哋可以点样营造Party氛围感啦！

　　

　　郭玮、黄芷晴/文   陈祉伶、店家提供/图

　　

 

　　

　　气球花，浪漫清新

 

 

 

　　

　　道具背景 随意切换

　　

　　

　　想要追求浪漫仪式感，好多人都会用鲜花、气球嚟布置party，若然直接用气球做成花束，呢份浪漫会唔会加倍咧？位于广州天河南嘅“气球贩卖商店”，就出售各式各样嘅气球花。店主偶然发现原来用气球整成花束，作为道具嚟影相会特别出片，小清新嘅颜色，令人心情十分愉悦。喜欢上这份浪漫嘅店主，喺系统学习咗气球手艺之后，就开咗呢间贩卖气球花束同派对周边嘅温馨小店。好多慕名而来嘅顾客，会买气球花束去求婚，或去庆祝重要纪念日，既然可以当花用，又可以当背景用，这种仪式感特别吸睛又够晒实用。

 

 

 

 

　　

　　搭配自由 主题多样

　　

　　

　　Balloon Shop店内提供大量散装气球花，让顾客到店可以自己亲手DIY气球花束，大家可以根据自己嘅喜好，选择自己喜欢嘅造型、颜色、数量进行搭配，之后店家会帮手扎好哦。气球花束嘅搭配自由度超级高，能够很好地迎合各种派对主题。根据节日变换，店家会更新店内装饰，唔同时节去都有唔同惊喜，未谂到气氛组点摆最好睇？可以同店主“偷下师”啦，影相、打卡、发圈，全部可以係现场试下实景效果。另外，店主提示，气球花束要尽量避免暴晒和雨淋，不碰到尖锐物体，一般可以存放3到4天，甚至更耐噶。

　　

　　

　　气球贩卖商店

　　地址：天河区体育西横街217号104之一（天河南派出所对面）

　　营业时间：12：30-19：30

　棉花糖，高甜萌宠

 

 

 

 

 

　　

　　款款卡通 创意无限

　　

　　

　　甜滋滋嘅棉花糖，无论大人、细路都中意。传统嘅棉花糖都是雪白的，Color最近就挖掘咗一间“独角乐园·棉花糖研究所”，出品嘅巨型萌宠棉花糖造型好百变，除咗招牌嘅“明星款”独角兽，仲有缤纷嘅趣怪鸭仔、小熊，以及大家熟悉嘅卡通人物，食得又睇得，拎住摆拍，绝对靓爆朋友圈！读设计专业嘅主理人话，菜单大概半个月就会更新一次，每款新嘢佢哋都会花两星期时间做研发，力求每次都俾到大家惊喜。我哋可以透过全透明玻璃，欣赏到五颜六色嘅白砂糖，变成一只棉花糖巨型萌宠嘅全过程。立体又得意嘅棉花糖攞到手，当然係影番辑靓相先啦。主理人仲会推荐你去对面饰品店门口嘅小梯级上摆拍，光线足背景靓，随手拍都可以出片！

　　

 

 

 

　　

　　

　　即点即有 睇得食得

　　

　　“独角乐园”嘅棉花糖全部都用纯正砂糖制作，如果你想改变某款造型嘅配色，都可以同店员哥哥提出，佢哋会尽量满足你嘅要求。依家佢哋仲制作咗方便外带嘅棉花糖杯、便于贮存嘅脆脆卷、送礼体面过人嘅棉花珍珠糖礼包等等，呢啲小零食就更啱提前购置，做个可以食得嘅“氛围组”。其中巨型棉花糖一般係即点即整，但手法娴熟嘅店员哥哥并唔会让你等太耐，不过呢种棉花糖因为体积大、甜度高，暴露喺空气中大概20分钟就会开始融化，影完相最好尽快同朋友share嚟食啦。

　　

　　

　　独角乐园·棉花糖研究所

　　地址：天河区时尚天河东一街093号

　　营业时间：周一至周五12:30-18:00,18:30-21:30

　　周六、日：12:30-22:00