《UP在湾区之港闻粤见》继续带大家玩转非遗！上一次，麦长青（麦包）带大家学整饼，香甜、好意头嘅嫁女饼令大家食过返寻味，对“饼”好感兴趣嘅麦包话，想get更多关于“饼”嘅有趣玩意啵，于是乎，我哋就同佢一起拜访咗“饼印大师”余兆基师傅，带大家一起体验幸福的“印”记！

　　

　　郭玮/文 Color团队/图

　　

　　广州饼印有段古

　　

　　

　　广州饼印制作技艺历史悠久，如今更係广东省级非物质文化遗产项目。呢门传统技艺唔单止见证住广州木雕、广府民俗节庆、广式饼食以及广府饮茶习俗嘅发展和衍变，更形成咗南派饼印嘅特色，係“食在广州”嘅重要组成部分，好似我哋八月十五必食嘅广府月饼，上面精巧细致嘅花纹就係靠饼印压制而成噶。饼印品种多样，雕刻图案精致而文化内涵丰富，除咗係海上丝绸之路通商国外的重要见证，更反映咗广府地区多样的民俗文化和民俗心理。今期教大家学嘢嘅余师傅，係饼印制作世家“余同号”嘅传承人，“余同号”早在清朝同治年间就已经创立，迄今已有150多年历史啦。

 

 

 

　　

　　手工打造有温度

　　

　　

　　作为广州饼印制作手艺嘅第五代传承人，余师傅因为机缘巧合入行，至今40余年，一直坚持用手工制作饼印。在科技发达嘅今日，尽管机器的速度更快、更便捷，但余师傅觉得，通过人手篆刻嘅花纹，会更加生动、更加有温度。每个饼印的制作，都要经过十几道工序先可以完成，每步都唔可以马虎，制作者唔单止要有耐性，仲要够细心。麦包喺师傅嘅指导下，都费咗好多精力先完成咗一个“包”字饼印，佢感慨道：“只眼差啲都唔得啊！”饼印除咗可以刻文字，仲可以雕刻多种多样、寓意美好嘅纹样，好似鲤鱼图案，取其谐音“余”，寓意“年年有余”。种种美好祝福，原来都被刻进木头里，印到礼饼上，随着嗰份美味传播出去。　　

 

 

 

 

　　

　　传统技艺玩新意

　　

　　

　　跟师傅学嘢过程中，麦包随手攞起一个饼印把玩，点知呢个看似平平无奇嘅陈旧饼印，原来係一块由清朝流传至今嘅“老古董”！麦包即刻玩心大起，将佢偷偷“收”入怀中，假装想带走。其实，随住时代变迁，大家对传统手作饼印嘅需求已经渐渐减少，呢项手艺更多嘅係传承一种情怀。为顺应新时代嘅发展，余师傅都开发出木制相框、木筷子、木梳等不同的“周边产品”，既能承载传统技艺，又美观实用。以筷子为例，除咗按照传统“天圆地方”嘅规则塑型，余师傅更将“出人头地”嘅寓意蕴含其中，每对筷子都长七寸六分，代表人嘅七情六欲。同时，“余同号”出品嘅筷子都会雕刻鱼形印记作为标识，利用谐音“余筷”，寄托对使用者的一份祝福。如果你对呢种木制传统手工艺品都感兴趣嘅话，不妨好似麦包咁，去现场感受一下啦。

 

 

 

 　

　　　　

　　

　　Color提示

　　《UP在湾区之港见粤闻》会继续带大家学非遗、品美食、玩转非遗手艺，如果想知下次轮到边位大咖带大家搞搞新意思，记得关注我哋啦！