笑容阳光明媚，声线温暖深情，係香港艺人涂毓麟Oscar俾可乐君嘅初印象。Oscar最近返嚟内地录制综艺《加油！小店》，变身“操盘小能手”，为百年老店复兴出谋划策，被节目称为“数据分析达人”。作为歌手，Oscar经常用原唱歌《是日运气》嚟鼓励自己；作为主持人，佢好高兴喺《劲歌金曲》为歌手发声；中意表演嘅佢话，希望自己喺呢个圈子里面，可以搵到自己嘅定位与价值。

　　

　　郭玮/文 受访者提供/图

 

 

 

　

　　

　　坚持本心获成就

　　

　　

　　作为年轻艺人，Oscar都有自己的嘅“野心”：希望自己嘅作品可以感染到其他人，可以被更多人听到。用音乐嚟表达自己嘅情绪，係佢最中意做嘅事，不管结果好坏，唔理其他人是否认同，佢都尽情编写melody，“固执”地将自己嘅谂法用创作呈现出嚟。当佢将坚持做嘅作品正式发布，佢会有种从心而发嘅成就感，呢种愉悦和满足嘅感觉，係翻唱作品无法比拟。Oscar表示如果当初冇入行做艺人，佢应该会从商，因为佢enjoy通过自己努力，完成一个project嘅嗰种成就感……做音乐又好，成为音乐节目主持又好，Oscar为咗自己呢个不变的创作初心，一直在努力。

　　

 

 

 

　　

　　珍惜学习好机会

　　

　　

　　Oscar话，佢好记得一位前辈讲过：人一定要学多啲嘢！通过体验唔同嘅生活，接触更多事物，先可以启发到自己嘅思维。自细就学习音乐嘅Oscar喺大学选择专业嘅时候，毅然选择咗金融专业。因为佢觉得音乐係一件长期潜移默化、慢慢渗透血液嘅事，利用大学4年时间学啲其他嘢，可以丰富自己嘅人生阅历，音乐亦能keep住进步，音乐创作同学习任何新嘅技能都唔会有冲突。不论係去office实习，体验早九晚五嘅“打工人”生活，定係最近喺《加油！小店》中学到嘅经营知识，Oscar都好珍惜这些来之不易的机会，因为可以涉猎更多领域嘅专业知识，可以get到待人接物嘅智慧，呢啲经验都令佢嘅成长更加踏实。

 

 

 

　　

　　

　　不怕碰壁任我行

　　

　　

　　一向都中意挑战自己嘅Oscar，最近仲学识咗潜水。佢觉得沉入海底之后，冇咗传播声音嘅介质，令到佢有咗一个独立嘅思考空间，可以更多咁同自己对话。现在作为公众人物，佢觉得娱乐大众、服务大家係自己嘅职责，所以佢都几重视其他人对佢嘅睇法。采纳别人意见、改进不足，係佢对自己嘅要求。如果要去拣一首歌代表自己此刻嘅状态，Oscar会拣陈奕迅嘅《任我行》，虽然歌词背后表达嘅意思有“身不由己”嘅无奈，但佢觉得，年轻人就应该好似呢首歌嘅歌名咁，勇敢去试各种新嘢，就算碰壁都唔好灰心，任我行、任我闯，在“碰壁”成长，实现到自己嘅人生价值！