对好多写字楼上班族来讲，除咗电脑之外，上班时间陪伴自己最耐嘅就係pat pat坐住嘅嗰张办公椅。靠背、坐垫，再加几个滚轮，一张办公椅嘅组成就係咁简单。但脑洞超大嘅设计师们，怕大家关喺办公室太耐会无聊，就从舒适度、外观、使用场合等更多方面入手钻研，为大家设计咗奇奇怪怪、可可爱爱嘅椅子。

　　

　　黄芷晴/文 产品官方/图

　　搵翻童年时

　　

　　

　　喺咁多种几何图形种，圆绝对係最特别嘅一个，佢冇尖锐嘅拐角，只有圆润流畅嘅线条，斋係睇就令人格外舒适。设计师Peter Opsvik就係睇透呢一点，将舒适嘅球形支撑用“树枝”连接，打造出椅子界最出色嘅“地球树”系列办公椅。基础款“地球树”，有两个球形靠背支撑，自带可转动小桌板，一坐低就有枱用，感觉非常贴心。高端款嘅“地球花园”，高度达到1.7米，喺“地球树”嘅基础上，头部、背部同脚部都添加咗支撑，想坐上去体会居高临下嘅舒适？你就要先学识擒上擒落了。除咗坐感舒适，呢款“Inner Child Chair”嘅设计，仲可以帮你搵翻童年——细细个唔舍得去玩嘅波波池，已经被设计成坐垫，椅脚处就设计成摇摇木马同款，啱晒童心未泯嘅朋友仔。

 　　Jenny Heejin Kwon“波波池”椅 　　　　 

 　　

　　MOTOSTUHL“地球树”椅 　　

 

　　

　　同动物奇遇

　　

　　

　　地球生物有多种多样嘅形态，俾咗设计师唔少嘅灵感。 “HINTABIRKA”摇椅灵感来自绵羊，主体为拱形“羊身”，扶手部分设计成两只张开的羊角，尾部仲加埋“小羊尾”做点缀，虽然形状同真嘅绵羊有一定距离，但神韵绝对相似。加上椅面巧妙地用可拆卸嘅羊毛毡覆盖，“羊毛”盖在“羊身”上，坐上质感满分。“Inshovid”的刺猬座椅，真系有好多“刺”，不过Color睇落，似海胆就多过刺猬啦。半包裹的圆形座椅设计，俾足使用者安全感。如果你有独立办公室，或者唔想接受甲方喺背后指指点点，买一张翻去，打造“生人勿近”嘅小空间，尖刺会帮你同别人保持距离，缤纷颜色仲好养眼添。

 

 　　HINTABIRKA摇椅 　　　　 

 

 

　　 

 　　　　Inshovid的刺猬座椅

　　可以拎住走

　　

　　

　　中意躝街嘅朋友应该深有体会：暴走一日之后，双腿疲惫至极，睇到一张椅子，就好似睇到救世主咁。今时今日啲设计师真系有谂法又幽默，将大家需求巧妙融入设计。由Elizaveta Andreiko设计嘅Masyanya高脚凳，为凳子本身加咗一对“耳仔”，将肩带或者挂绳固定喺耳仔上，就可以实现“椅子携带自由”。单孭可以做超吸睛搭配单品，固定喺臀部则可以实现“行坐自如”。由“Sapettiand”公司设计嘅可穿戴人体工学椅“The Chairless Chair”，就将“随时随地可以坐”呢个谂法贯彻得更彻底。佢嘅设计初衷係为长时间做体力劳动嘅人，可以得到片刻松弛，椅子嘅支撑同人体结构融合，既依赖人体结构来稳定，又助力于人体放松，外观睇上去充满科技感，chok又唔占地方，喺排长龙、户外暴走嘅时候，似乎都几啱用啵！

 　　noonee公司生产嘅人体工学椅

　　

　　

 

 

 　　masyanyastool 高脚凳