秋冬季节，我们会自自然然中意有质感的东西。例如丙烯颜料混入石英砂，就可以绘制触感十足嘅肌理画；简简单单嘅毛线用“枪”打击，就能完成厚实有手感的tufting作品。如果想试下简单又有质感嘅画作，软绵缤纷嘅小毛球可以帮到你！通过毛球嘅堆叠、拼凑，像素感、毛茸茸嘅作品就诞生啦！制作过程更能治愈所有唔开心，一起同趣怪毛球玩游戏啦！

　　

　　黄芷晴/文 陈祉伶/图

　　“毛球”画家好易做

　　

　　

　　现在3D概念特别流行，高科技不容易涉猎，不过用五颜六色嘅毛球就可以变身立体“颜料”，助你创作一幅独一无二嘅3D画作啦。通过整齐拼贴、大小堆叠、错位镶嵌等等手法，可以打造撞色、渐变、幻彩等等唔同嘅色彩效果，小小嘅毛球体积不一，唔同人喺唔同心境下，用唔同嘅手法、力度同排列方式，创作出来的作品都会有啲唔一样。而且，你仲可以发挥想象力，将毛球画嘅灵感用喺唔同嘅物件上，例如耳机盒、发夹等等随身小物，通过毛球嘅装饰，即刻变身温暖又可爱，而且自己DIY嘅，用起来会觉得特别骄傲嘎！

 

　　有张有弛有技巧

　　

　　

　　毛球自身浑圆又比较轻身，要将佢哋固定，就需要用到胶水啦。酒精胶同热熔枪就各有优缺点：酒精胶较容易上手，比较适合新人，但因为容易拉丝，大家玩嘅时候记得及时清理樽口同镊子上嘅胶水残留；热熔枪就可以令毛球黐得更牢固，不过胶枪用起身要小心啲，避免被焫亲。毛球画创作起身冇特别嘅规定，但如果想画面睇起身更有层次更立体，堆叠嘅手法就要有张有弛。Color建议底层毛球尽量整齐排列，上层毛球选取大细错落嘅球款，堆叠起来更有feel。毛球与毛球之间嘅间隙尽量紧密，用胶水时要胆大心细，不吝啬用量同时尽量减少胶水外溢，咁黐出嚟嘅作品就会更靓仔啦。

　　

 

 

 

　　第一步 备料

　　

　　

　　各种颜色的涤纶小毛球、标记笔、画板、热熔胶or酒精胶。可以根据自己想创作嘅画作嚟选购毛球颜色，怕麻烦嘅朋友仔可以直接喺网购平台选购材料包，咩架撑都马上get。

 

　　第二步 勾边

　　

　　

　　将自己中意嘅图案翻画在画板上，利用投影描画又得，靠自己精湛嘅画技即时创作都得。面积小的画板适合绘制线条简单色块大嘅图案，如果细节多嘅作品，建议大家用大嘅画板创作，出嚟嘅效果更精致。

　　

 

　

　　

　第三步 标色

　　

　　

　　简单地在画板上标注颜色标记，各色毛球亦分色归类放好，为黐画大计做足准备功夫，井井有条可以事半功倍。

 

　　

　　第四步 贴底　　

　　

　　先用较细粒嘅毛球沿住自己勾画嘅边线，将作品嘅边框定位。再规律咁填满中间色块，确保每粒毛球都固定好在画板上，以防新增毛球嘅挤压导致佢移位。

 

　　第五步 压实

　　

　　底层毛球完成之后，用木板或者厚书之类嘅平面，将毛球压实，确保底座牢靠。

 

　　

　第六步 加层

　　

　　喺干透嘅底层毛球上叠加球球，根据自己嘅喜好选择大细同层数，大胆创作自己心目中嘅艺术品，细心啲填补球球排列较为稀疏嘅位置，紧致细密嘅毛球会令画面更亮丽。

 

　　　

　　第七步 成品