广州嘅秋天虽然转瞬即逝，但秋天係丰收的季节，各种各样嘅果实正值最佳赏味期，秋日食秋果，係为食猫们无法抗拒嘅诱惑！周身係宝嘅柿，生津润肺嘅梨，甜绵飘香嘅栗子，制成零食后，一年四季都可以享用，别有一番滋味噶。

　　陈祉伶/文 品牌官网/图

　　人间“梨”想

　　秋天一到，人就好容易干燥，皮肤缺水，喉咙也经常唔舒服，而梨作为甘寒之品，寒性可祛除热邪；甘则可以补充体内缺失的津液，标本兼治，简直就係为呢个时节而生嘅果之上品。鲜果生食就已经味美多汁，与梨相关嘅零食其实好多花臣噶。最出名嘅自然係润燥生津嘅秋梨膏啦，呢款由秋梨和中药配伍加工而成嘅药膳饮品，绝对係秋季滋补良品。除咗可以冲服饮用嘅浓缩浆液，市面上仲有好多商家将秋梨膏制成更方便食用嘅梨膏糖，有啲仲精心设计咗萌趣造型，斋睇个样都已经冇咁燥啦。雪梨养生茶饮也係一款好啱办公室打工人嘅梨产品，即泡即饮，免去执料、熬煮嘅繁琐步骤。当然唔钟意咁多料嘅朋友仔都可以选择雪梨干片单泡，纯粹梨香更清新。　

　　南京同仁堂 梨膏糖

　　杏林草堂 雪梨干片

 　　良品铺子 秋梨膏

　　百草味 秋梨膏棒棒糖

　　“柿”颊留香

　　柿子成熟季节在十月左右，不同嘅品种颜色从浅橘黄色到深橘红色不等，喜庆嘅颜色已经好冧人，加上味道普遍甘甜，无论係汁水丰富嘅火晶柿、牛心柿，定係清脆爽甜嘅脆柿，都能收获一大批忠实粉丝。就算係唔食得嘅柿蒂、柿叶都可以入药添，不过周身係宝嘅鲜柿性寒凉，并不能适宜多食，加上柿本身不便长期储存或长途运输，自古以来便有将鲜果加工制成柿饼嘅做法，柿饼可以话係最古早嘅柿零食。传统柿饼太大只？细细粒嘅柿饼丁果脯就更好入口，也更容易同人分享。而网红零食夹心柿，就大玩混搭风，有中西结合嘅奶酪芝士味，也有甜蜜清新嘅果干口味，软糯香甜，层次丰富，一啖入口有多重惊喜。另外，柿原来仲可以用嚟酿醋啵，正宗柿子醋酸度高、口味绵柔，冲水可以当茶饮，煮菜可以用来调味，都能使人口生津液、精神清爽。

　　柿子红了 柿饼丁果脯

 　　富天健 柿子醋

　　富柿旗舰店 流心柿子饼

　　和和堂 芝士奶酪夹心柿

　　开心“栗”动

　　都话“板栗香而知天下秋”，天气转凉， 有份热辣辣嘅糖炒栗子捧在手心，绝对係秋日里最幸福嘅事情。啱炒好嘅栗子有甜甜嘅焦香，趁热剥开栗子，满腔甜丝丝、粉糯糯，仿佛能瞬间治愈心灵！除咗味道好，栗子其实仲有养胃健脾、补肾强筋嘅功效。不过如今街头嘅炒栗子档口越来越难搵，想念嘅栗子嘅香甜滋味时，不妨先用有趣嘅栗子零食过下嘴瘾吧！嫌弃剥壳麻烦嘅，好多零食牌子都有推出免剥壳嘅栗子果仁，呢啲深加工产品经过一般精挑细选过，果仁完整度高，食落都过瘾啲。如果觉得原只食有啲哽喉，口感更绵滑嘅板栗泥罐头就最啱你，用嚟做甜品都好方便噶。或者可以试下板栗汁，据闻係河南信阳嘅特色饮品，栗香浓郁，味道清甜，对广东朋友仔而言，新鲜感绝对爆灯。

　　四洲 甘栗仁

 　　多栗多 板栗汁

　　广禧 板栗泥罐头

 　　粒上皇 冰魔栗