广州，向来係对外贸易嘅重要港口城市，商贸之繁荣，由古至今都值得广州人骄傲！喺好多街巷地名中，仍可窥见“千年商都”嘅历史印记，例如曾经以米铺聚集而出名嘅“白米巷”，以及因位于清代盐运司西边而得名嘅“盐运西街”，最近，呢两条旧街巷都变成咗新晋网红点，打卡超出片！

　　

　　　　

　　郭玮/文   秦丽莹/图   黄蕾/模特

　　白米巷　　

　　

　　小巷子，大来头

　　

　　一德路以贩卖海味干果而闻名海内外，大新路亦曾经係山货、茶叶嘅集散地，连接呢两条商业旺街嘅白米巷，喺明清时候因为米铺林立而得名，曾经都係呢片商业闹市中嘅重要成员。随着城市发展，一德路与大新路热闹依旧，白米巷却在商圈中渐渐隐退，成为居民区中的一条普通的旧街巷。前些年，由于年久失修，两侧楼房墙身开始剥落，排水系统也越来越不尽人意，曾经辉煌嘅街巷几乎被遗忘。

 

 

 

 

 

　　

　　

　　唔卖米，改卖萌

　　

　　今年年初，白米巷所属的人民街道，着手对白米巷进行翻新改造。除咗修缮好老旧嘅基础设施之外，仲为呢条老巷添上“新衣”：街巷名文化展示墙、六脉渠图，记录白米巷昔日嘅故事，展示自己的文化底蕴，让这条小巷焕然一新。仲用特色手绘装饰墙壁，猫猫有趣嘅生活场景，可爱得嚟，仲还原咗岭南生活嘅烟火气，佢哋藏在街巷角落里，等住萌化你的心！行入巷中，可以见到街坊三五成群围坐树荫下，叹茶、吹水，与世无争嘅宁静同匆匆过客，形成咗鲜明嘅对比。巷内唯一一家小食店，特色係美味、实惠嘅地道粉面，专程过来打卡嘅潮人都会嚟浅尝一下地道广州味。

　　

 

 

　　

　　盐运西街

　　

　　低调静谧老洋房

　　

　　

　　同热闹嘅步行街北京路仅一街之隔，盐运西街却显得低调而静谧。街如其名，旧阵时，管理盐业嘅机构叫盐运司，因为呢度位于清代盐运司的西边，故而得名“盐运西”啦。盐运西社区内，设有“北京街历史文化长廊”，图文并茂咁记载住呢度曾经盐商云集、车水马龙嘅繁华景象，你可以想象到，当时空气里弥漫着淡淡嘅咸味嘅场景。时至今日，盐运西一带保存咗多栋中西结合嘅洋房，同东山口轻奢风嘅独栋别墅不同，呢度嘅老洋楼多为一层多户，生活气息浓郁，洋房规模唔大但建筑样式多，可以当作我哋身边嘅一个“洋房博物馆”。

 

 

 

 

　　

　　

 

 

 

　　

　　

　　

　　

　　

　　静中带旺潮店多

　　

　　老旧片区温馨祥和，一栋栋老洋房静静矗立。近年来，呢度陆陆续续进驻咗唔少个性小店、新概念铺头，令沉静嘅社区增添咗新嘅活力。喺呢度，你随时会见到具有异国风情嘅特色餐厅、优雅嘅精品咖啡店、治愈型嘅书吧、打卡超出片嘅萌宠店……适合拍照，亦适合来静静hea一个下午。通过各种平台睇到呢度嘅变化，好多潮人慕名而来嚟打卡，行行企企拗造型，都尽量唔打破呢份安静。