近几年，怀旧风潮越来越流行，嗰啲能追忆旧时光嘅老物件亦受到追捧。“老宝贝”唔一定就係用嚟珍藏，“玩旧”也有好多新奇玩法，等待你来解锁噶。中意旧物件嘅手作人“曲奇”，不但拥有众多玩具、旧物珍藏，仲不断尝试紧用奇思妙想同原创手作，赋予呢啲“老宝贝”新活力。

　　

　　陈祉伶/文 黄蕾/图

、 

　　

　　

　　旧物故事最charming

　　

　　好多人会钟意新嘢，但有人就偏偏眷恋旧物。曲奇话：“我好中意旧嘅、古老嘅东西，佢污糟或者破烂都无所谓。”旧物件最令佢着迷嘅，係佢身上有种特别嘅故事感。好似色彩缤纷嘅柜筒把手、木制梳妆盒等老式日用品，过去係家家户户常见嘅普通物品，如今好少人用了，我哋依然可以在呢啲老物件上，窥探到某个年代特有嘅审美风格、制作工艺或者生活习俗，呢个过程十分有趣。好多人对旧物件有顾虑，会纠结呢样嘢有人用过，曲奇就话，佢搜翻嚟嘅旧物，唔一定係二手嘢，好似佢淘番嚟嘅一啲老式发夹、肥皂盒，係以前嘅百货公司、士多倒闭后剩下来嘅库存，其实并冇人用过。　　

 

 

 

　　

　　老玩具变做新首饰

　　

　　

　　同好多“玩旧”人一样，淘旧物最开始只算曲奇嘅一个兴趣爱好。以前，曲奇旅游嘅时候，就会喺唔同城市嘅市集、跳蚤市场上，淘一淘特别嘅老物件，多数为孤品。曲奇本身係做饰品嘅手作人，睇住咁多旧物，佢就尝试选出一啲旧物进行二次创作。造型夸张嘅塑料玩具、旧纽扣、锁匙扣塑料片、充满童年回忆嘅塑料头花等，都係曲奇喜欢加以创作嘅元素。呢啲手作耳环因为素材特别，多数係独一无二嘅，无论搞怪吸睛嘅夸张款，定係比较低调嘅日常款，都非常受欢迎。例如佢会将一个旧玩具做成耳环，根据改造物件嘅原有色调同风格，去思考适合嘅元素搭配。呢个慢慢钻研摸索嘅过程好治愈，最终成品亦因此有咗温度。

　　

 

 

 

 

　　

　　有趣的想法停不了

　　

　　

　　随住搜集回来嘅宝贝越来越多，2019年，曲奇就喺东山口开设店铺“SillyCookie”，show出各种新奇古怪嘅“老宝贝”，以及好多别致嘅原创手作，成为潮人争相打卡嘅宝藏店铺。除咗做自己擅长嘅手工饰品外，今年，曲奇仲逐步实现紧好多新奇谂法啵。好似偏爱旧材料质地嘅佢，早前就尝试咗用老毛巾、手绢布、老式双喜床单布等改造成手作包包，未来也有计划推出更多用珍贵老布料打造嘅原创产品。琳琅满目嘅玩具收藏，斋用嚟摆好似唔够过瘾？于是曲奇喺店里新设咗部夹公仔机，精选出部分玩偶，放喺公仔机入面等人夹。另外，曲奇仲改造紧一个专门嘅怀旧杂货空间……超多有趣嘅“玩旧”计划陆续有嚟。

 

 

 

 

　　

　　SillyCookie

　　地址：广州越秀区烟墩路烟墩新街4号102号