去年年底，Jinny吴若希开启咗自己的首次巡回音乐会“初·遇”。正如音乐会的主题，呢次係佢同各地歌迷的初次见面，更係佢从未试过的个人舞台。已经係两个小朋友妈咪的Jinny，一直努力打拼事业，为的就係帮小朋友做个榜样，话俾佢哋知：拥有自己的人生，先会有更美好的生活。

　　郭玮/文 受访者提供/图

感恩被爱包围

　　吴若希的音乐会，都会设置一个“爱我请留言”的信箱，俾歌迷投放自己想对佢说的话。每次读到有爱的信件，见到从各地特意赶来支持佢的朋友，Jinny都会好感动。因为想唱的歌实在太多啦，Jinny每次的舞台都觉得未唱够，于是在每一站的演出，Jinny会喺歌单度加入一啲唔同的作品。前段时间，佢在佛山站开音乐会，丈夫都专登嚟支持佢，Jinny在舞台上时不时同丈夫隔空互动：“何生你喺边度啊？我都睇你唔到！”呢一波晒恩爱好sweet，羡煞旁人。唱歌唱到动情时，佢会感慨曾经的遇人不淑，感恩依家为佢戴上戒指的另一半 ——又是猝不及防的示爱，台下的观众都觉得被冧到入心。就係咁样，“初·遇”音乐会被满满的爱包围着，Jinny将佢视为2022年最大的收获之一。

因为爱而努力

　　吴若希话，见到自己小朋友的笑容，任何烦恼都会被治愈，小朋友亦係自己打拼事业的动力。Jinny有咗自己的家庭之后 ，一直冇停下自己的工作，中意唱歌就开show，喜欢拍戏就去积极尝试。去年，佢只身去到内地，投入到《香港人在北京》的拍摄中，唔单止识到新朋

友，成个拍摄过程都好开心，佢觉得拓宽咗自己的视野，全程佢都好enjoy。一直努力奔跑的Jinny话，自己要成为小朋友的榜样，希望小朋友明白，每个人都要有自己的人生，自己中意嘅嘢要自己努力追求，咁样生活先会更加美好。喺呢次采访中，Jinny除咗感谢一直支持自己的歌迷粉丝，仲要多谢坚持营业的自己，而未来的日子亦会继续努力。佢帮自己打咗个call：“加油啊，吴若希，未来的日子继续辛苦你啦！”

新作会“不一样”

　　讲到今年的计划，吴若希都mark咗好几个目标。佢希望可以去更多地方演出 ，认识更多的朋友、体验各种新生活；佢仲特别想同音乐人合作，走出街头玩下busking咁哦。相信大家都好期待的就是，Jinny透露有一啲新作品已经准备就绪，会陆陆续续出街同大家见面：有一首黑暗系单曲，係一个自己都未尝试过的新颖情歌，感觉好新鲜；《旁观者》的主题曲又会係另一种风格，希望大家听完会得到启发，发现不一样的自己。睇嚟，今年吴若希会带不少的惊喜俾我哋，大家同Color君一起期待唔一样的吴若希啦！