特种兵式“串村”①

　　黄埔古港，见证了海上丝绸之路的繁华，有“粤海第一关”之称，停靠过哥德堡号、中国皇后号。虽然千帆林立的壮观情景不再，经过近几年的翻新，黄埔古港依然保留咗历史的韵味，质朴传统的生活氛围，等我哋一起穿街过巷，体验这里的风土人情啦。

　　郭玮/文 何崇仪/图

　　漫游古港

　　想快啲了解古港历史，首先就要去粤海第一关纪念馆走一转。纪念馆收藏咗记录古港历史的各种文献，以及古港商业鼎盛时期进出口贸易流通嘅商品，用仿真蜡人还原当时经济繁盛的景象，迷你嘅沙盘还原古港旧时风貌，引人入胜。每个展示厅都设有小小嘅趣味互动摊位，例如古章拓印、传统的大算盘，大人细路都啱玩。纪念馆之外，游走黄埔村，还可以见到旧时码头的遗址、地标碑文，配合码头上模拟的商船，可以感受到古港风韵，影相打卡别有风味。麻石板路，密集低矮嘅居民楼，仲有水边乘凉嘅老人，都在叫我哋放慢脚步，感受古村里的悠闲散漫。

　　渔家美食

　　黄埔古港边海傍街，汇集咗好多美食，都係从渔民日常饮食菜单中发展出嚟嘅，最出名的老店要数“猫记”，出咗名实惠，所以一定要去打卡。多料够味嘅艇仔粥、脆口过瘾炸云吞、惹味酸萝卜搭爽口凉拌鱼皮、仲有必点嘅糯软萝卜煎饼……款款美食都令人垂涎。煎饼送粥，碳水爆炸超满足，一啖云吞一啖鱼皮，冷热错峰够顶瘾。最好玩嘅係，服务员阿姨係按碟收费，埋单时佢要过嚟数碟，传统嘅嘢就係咁有人情味。饭后甜品，我哋要去奶婆食个甜到漏嘅糖水。一定要有现场撞嘅姜撞奶，服务员帮你将滚热嘅牛奶撞入鲜榨姜汁之后，唔好心急，要等够时间先食，否则奶液凝固唔到，就会少咗香滑细腻嘅口感。周街都有卖嘅咸酸，好适合开胃消滞，试完一轮韧脆木瓜、爽甜萝卜，好似又可以继续觅食啦！

　　打包土产

　　食唔晒的美食，可以带啲走嘎！除咗必buy嘅鸡仔饼、花生糖之外，喺古港港口嘅市集上 ，仲会有唔少村民摆摊叫卖自家土产。自家种嘅新鲜水果、天生天养嘅野菜草药、手工编织篮子……虽然样子唔一定好靓仔，但真系花臣多多，应有尽有。你一行埋去，档主就好热情咁同你介绍，教埋你呢味好嘢有咩好处，要点煮先好食。仲有啲几蚊嘅吹波水，可以玩下梦幻泡影，俾晒机会你回味童年。