喺香港红馆开show，係好多歌手嘅梦想，去香港睇show，亦係好多潮人劲冧嘅事！香港通关之后，show开个不停，各地潮人蜂拥而至，好多人专门去香港，就係为咗睇一场show。Color君帮大家搜罗咗接下来即将登场嘅香港靓show，不妨搵个时间，齐齐去叹返场show啦！

　　郭玮/文

　　海报、演出现场图/图

　　“影后”开靓声

　　郑秀文，香港乐坛天后级歌手。2019年举行“FOLLOW Mi” 演唱会时，一首啱上线嘅《我们都是这样长大的》惊艳咗乐迷。从“Follow me”到“follow mi”，乐迷跟住Sammi一起长大，睇到佢嘅高低跌宕，跟她游过高山低谷，感慨万千。2023年，Sammi在金像奖上，凭《流水落花》获得“最佳女主角”，凭《我这样活了一天》获得“最佳原创影视歌曲”，成为咗“双料影后”。马不停蹄嘅佢，马上要举行自己第11次个人巡演——《You&Mi郑秀文世界巡回演唱会》。Sammi会係演员里面唱歌最好听嗰个，定係歌手中演技最掂嘅嗰位？大家到现场听“影后”开麦，便有分晓。

　　旧歌不陌生

　　2017年，容祖儿循歌迷要求，举行咗sidetrack音乐会（歌单以未派台歌曲为主），有花海、风雪，仲有惊喜大合唱。Sidetrack未必就係冷门歌，连Joey自己都话，《心淡》係俾大家唱红嘅作品。时隔六年、继《Pretty Crazy》后，容祖儿重启呢场特殊嘅乐迷聚会，《ANOTHER SIDE……JOEY·MY·SECRET·LIVE》即将来袭。演唱会尽管规模唔会好盛大，但一定会好温馨有爱，歌库里面嘅沧海遗珠会尽数倾出，大家中意but平时好少听到嘅作品亦有机会再次品味。唔知你係中意Joey嘅sidetrack作品多啲，定係佢嗰啲忍唔住一齐唱嘅经典作品咧？

　　老友情不变

　　经典嘅嘢永远唔会过时。温拿乐队係第一个在红馆举行演唱会的乐队组合，今年啱好係佢哋成立50年，佢哋承诺，每隔5年就会为乐迷送上一个舞台。见证港乐发展、陪伴乐迷成长的温拿乐队，即将在8月举行《The Wynners Farewell With LOVE》演唱会，呢个亦将係佢哋最后一次集体登台。谭校长话：“凡事都有一个终结，趁住大家仍然在一个好的状态。”就是让乐迷永远记住温拿最fit嘅形象，真係好warm人心。为咗令呢份延续50年嘅友情画上完美句号，佢哋特意创作咗全新作品《由始至今》，道尽“温拿五虎”兄弟情不变，用夹band合唱勾起大家对青春时所有嘅音乐回忆。