最近好多歌手开show，大家有耳福啦！平时听到啱听嘅歌要即刻mark低，啱key嘅歌手开show实要捧场，去到演唱会大家啱晒嘴型，点到要大合唱先尽兴……原来，粤语中有好多词语同唱歌有关嘎！宝岛创作歌手魏嘉莹啱啱喺广州开完show，对盏鬼粤语好感兴趣，呢次就等可乐君从唱歌入手，教小魏一齐学粤语啦！

　　郭玮/文  秦丽莹/图

　　魏嘉莹、郭玮/模特

 　　好犀利！

　　啱听

　　ngam1 teng1

　　“啱”係粤语中常用嘅形容词，有正确、合适嘅意思，同时也可以表达恰巧、刚好的状态。起初呢个字只会用于口语，因为粤语本字的字型太复杂，后面人们就用形声造字嘅方式，用啲简单易明嘅新字便于日常使用，“啱”就係其中一个啦。而“啱听”一般就指（说话）中听、好听、听着顺耳、舒服的意思，如果大家一起讨论事情，觉得英雄所见略同，证明大家都觉得呢件事听得顺耳，让人舒服。

　　造句：小魏车上播嘅歌单好好听！原来佢平时开车会随机播放歌单，一听到啱听嘅歌就会即刻收藏。

　　啱key

　　ngam1 [ki:]

　　“啱key”一般就指谈话投契、意气相合的意思。呢个词其实係从粤曲中“啱合尺”一词衍生出来嘅。在粤曲演奏开始之前，拉弦乐嘅乐手通常会先拉出“合尺”两个音，作为乐器嘅调音标准，咁样演奏的时候音韵就会和谐顺耳，所以，“合尺”其实就係乐谱的音阶，用英文讲就係“key”啦。后来，啱key就引申为双方合拍、正中下怀、合符要求心意的意思啦。同样意思嘅仲有“啱嘴型”。

　　造句：阿珍同阿强两个成日埋堆一齐玩，倾计倾到细声讲、大声笑，一定係好啱key嘅老友记啦！

　　唔听笛

　　m4 teng1 deg6-2

　　笛原来是一种乐器，这这个词里面，它是指人们所说的话，表示命令、指挥等。“唔听笛”就係不听某人的言论、说教、主张等，使用时通常要加上宾语你、我、他，以及笛子嘅量词“支”。喺周星驰的电影《审死官》里面有句台词：“那位山西布政司最听佢娘亲支笛”，意思就係话佢最听娘亲的话。

　　造句：新主管係“空降兵”，大家都唔肯听佢支笛，工作会好难开展。

　　潮州二胡

　　qiu4 zeo1 ji6 wu4

　　潮州音乐里面有一种二胡叫“响统”，係用牛角制作的，拉起来会发出“叽叽咕咕”的声音，而潮州话里面“自己”的发音为“叽叽”，所以呢个拟声词就被引申出一个歇后语： “潮州二胡——自己顾自己”，意思是各顾各，互不帮忙、互不相干。也有另一个讲法，话潮州音乐里面容许演奏者自行即兴表演，演奏者有时会不管其他人自行solo，于是就有做“自己顾自己”的讲法。

　　造句：可乐君同小魏玩紧潮州二胡？两个人自己顾自己，完全唔理对方节奏嘅。

　　冇嗰支歌仔唱

　　mou5 go2 ji1 go1 zei2 ceng3

　　以往大家唱歌，都係描写、歌颂美好的生活，“冇嗰支歌仔唱”代表美好的事情唔再有，美好状态大不如前，包含咗对过去不舍的感觉。其中的量词“支”亦可以替换成“只”，“嗰支歌”亦可以讲成“呢只歌”，意思係一样的。

　　造句：以前公司福利好，每个季度都可以免费去旅行，依家冇嗰支歌仔唱啦！

　　儳乱歌柄

　　zaam3 lyun6 go1 beng3

　　《礼记·曲礼上》有“长者不及，毋儳言。”意思即係长辈讲紧嘢嘅时候，唔好随便插嘴、打断人讲嘢。所以“儳言”就係“插嘴”嘅意思。“儳乱歌柄”早期用喺欣赏人唱歌的时候，有其他人打扰导致演唱中断，后来引申至说话上，指打断他人说话，扰乱谈话的主题。

　　造句：人哋讲紧正经嘢嘅时候，你就唔好儳乱歌柄，好乞人憎噶！