主持人、演员、爸爸……香港艺人阿Bob林盛斌有好多身份，最近佢正准备举行栋笃笑，除咗致敬电影《教父》之外，更多係希望借此分享自己嘅生活与谂法。作为主持人，佢有一套好煞食嘅临场应变方案，作为演员嘅时候，佢可以为博君一笑而全无包袱。Color独家对话阿Bob，笑住学到好多嘢！

　　郭玮/文

　　秦丽莹、受访者提供/图

　　“执生”要有准备

　　阿Bob个样，令人睇到就想笑，主持风格亦係轻松搞笑为主，做了多年的主持人嘅佢，工作上驾轻就熟。在应对活动现场不如意嘅虾碌嘢时，Bob应对法则就是要识得“执生”：如果婚礼上香槟喷烂咗，佢会解读成新人嘅爱意爆棚；活动物料出错，佢会即刻将问题揽到自己身上，再加睇搞笑话，自然就大方过渡咗；如果怕突然冷场，最好提前先储啲自己嘅fans，等佢哋适当嘅时候帮你捧下场……识执生嘅前提，原来係要有准备。过几日要做直播主持嘅可乐君，正有啲担心，收到Bob亲授嘅“应变好桥”，即刻觉得心都定埋。阿Bob又提到，每个人都会有自己嘅短板，明知自己会献丑，就不如藏拙，例如佢自己唔擅长唱歌，就好少标榜自己係个“歌手”。但佢好似会“反向操作”——大家应该记得，佢同麦玲玲老师演绎过一个超经典嘅《好好恋爱》合唱舞台，奇妙嘅CP效果令佢哋收获咗大批粉丝。点讲都能够圆场，呢个就係主持人嘅功底了。

　　多用“吸引力法则”

　　永远笑面迎人，阿Bob成日都俾人好开心嘅感觉。喺Color君采访嘅时候发现，佢确实係一个中意氹人开心、乐观积极、正能量满满嘅人。佢非常相信“吸引力法则”：“你多啲谂正能量嘅嘢，係会吸引真正嘅正能量埋身嘅。”仲记得喺《美丽战场》里面，佢饰演嘅“徐富贵”，每日会对住块镜用唔同国家嘅语言称赞自己……原来在戏内戏外，阿Bob都係咁正能量嘅。而讲到自己嘅不足之处，阿Bob就觉得係太心急，因为做惯咗电台主持，佢惯咗做咩都快节奏，全速带住流程开跑。当可乐君提醒佢，呢个访问真係做得好快嘅时候，阿Bob突然整古整怪，将语速降至龟速，抓马效果满分，又成功引全场工作人员爆笑。

　　用经典串联人生

　　阿Bob话，细细个睇《教父》嘅时候，觉得好精彩，被里面嘅金句深深打动。依家有机会开自己嘅talk show，阿Bob就用从电影中学到嘅金句，串联自己嘅故事，等大家听到关于佢成长、生活、工作嘅故事，以及一啲个人见解。为咗最大程度还原“godfather”嘅形象，阿Bob透露喺show里面，佢会穿上四正嘅西装，戴好襟花，粘埋小胡须，以绅士形象出现。由 “godfather”到“Bobfather”，造型唔会好似以前反串、恶搞嘅时候咁容易惹人发笑，不过Bob更希望大家会被场show嘅内容吸引而来。