准备升呢做爸爸嘅袁伟豪（阿Ben），喺大家心目中一直係个演员，但其实音乐一直係佢嘅梦想。上个月，佢推出咗全新嘅音乐作品，当中嘅故事好有意思，佢未来的计划就是更多地用音乐作品，演绎自己的故事。今期Color，一起听袁伟豪唱歌谈成长啦。

　　郭玮/文

　　秦丽莹、受访者提供/图

　　最想做音乐人

　　袁伟豪嘅新歌《御林军之寿辰》，上线冇耐就收获高点击率。呢首歌嘅歌词，讲紧嘅係一个男孩子，因为唔敢表白而错过自己一直喜欢的女孩子，用“御林军”嚟做主角，係因为袁伟豪希望呢位“主角”可以好似军人咁，喺战场上坚定自己的目标就勇往直前。呢首咁有意思嘅作品，其实佢喺几年前就开始创作，直到最近先真正完成。前段时间，阿Ben仲创作咗《马路英雄》，原来呢首歌唱紧嘅就係佢平时揸车经历，所见所闻所想都渗透其中，话希望各位揸车嘅朋友都可以有共鸣。一直以来，阿Ben都好中意做音乐，希望用音乐嚟讲自己嘅故事。年轻的时候，佢已经同朋友夹band、玩创作，最近真係成立咗自己嘅音乐工作室，令佢可以切实咁谂多啲音乐风格，去诠释自己嘅故事同想法，亦希望自己喺音乐方面可以有更大发展空间，同大家分享佢嘅音乐世界。

　　演戏感受人生

　　比起歌手，大家可能更熟悉袁伟豪的演员身份。阿Ben话好中意演员呢份工，因为有机会可以俾佢感受唔一样嘅人生。同做音乐一样，佢都希望喺演员嘅领域多尝试啲新嘢，多元拓展自己嘅视野。喺塑造影视角色的时候，阿Ben会想喺有限的戏份里面帮角色做多啲延伸，无论係在幕前or幕后，阿Ben嘅初心都係为咗娱乐大家，令观众开心。“警察”係佢经常出演嘅角色，《使徒行者2》里面嘅卧底“徐天堂”，《铁探》中有PTSD的督察，到最新嘅《法证先锋5》里面的失眠阿sir……大家都觉得佢演绎得入木三分。原来有原因噶，阿Ben细细个就经常跟住做警察嘅爸爸去警察局打趸，佢话：“我会趁机观察啲阿sir点做嘢，可能因为咁，我比较适合演警察吧！”

　　新的挑战目标

　　最近，袁伟豪官宣咗准备升呢做爸爸，不过佢话暂时唔需要特别改变自己嘅工作方式，演戏方面，佢仲係希望尝试更多挑战，多遇到些合适自己嘅角色。提到想挑战点样嘅角色，佢就话：“我希望试啲要用自己身体做挑战嘅角色，例如要增肥或减肥嘅嗰啲！”即係话，要改变生活方式，去打造一个全新嘅形象，听落真係一个几大嘅挑战。当Color君问佢，最想同十年后嘅自己讲啲咩嘢，阿Ben谂咗一下，就话：“会问下自己呢十年过得快乐吗？”睇袁伟豪已经做好晒plan，又要进入人生新阶段，相信未来十年，佢会过得相当充实，闯入自己嘅一片天地。