又到榴莲季！各种榴莲“盲盒”成为大家嘅关注热点，有大舊又香甜美味嘅欢乐，亦会有生涩难顶的失望，唔知你有冇开到“报恩榴莲”咧？除咗榴莲本莲之外，商家都睇准呢波商机，推出咗一系列的榴莲周边，只要你同佢“臭”味相投，肯定会“榴莲”忘返，玩到不亦乐乎。

　　郭玮/文 品牌官网/图

　　霸气 味道上身

　　众所周知，榴莲嘅味道令人非常上头，钟意嘅人会对佢爱不释手，而讨厌嘅肯定就会走夹唔唞。果王之所以称霸，就因为佢嘅味道够姜够犀利。臭芝士加啲烂洋葱，再嚟少少松节油混合起来，大概就係大家第一次闻到榴莲味后的描述。榴莲味香水前调就係刺激嘅榴莲香，令人可以沉浸式感受热带果园嘅缤纷；中调的奶香、草木香渐渐中和咗热带果园的热情；后调係香甜的水果味，味道持久又亲切。只需要喷一下，就令人迷幻喺水果盛宴之中，难怪榴莲香水会令人又爱又恨。除咗香水之外，榴莲味嘅香薰、精油等等，都同样有呢种上头又醉人嘅魅力，令到一众榴莲积极分子对佢哋难舍难离。

 　　DURIAN榴莲味香水

 　　奕香榴莲香水

 　　HomeFlower榴莲香薰

 　　必胜客榴莲香水

　　手气 好啱防身

　　榴莲除咗气味霸道之外，外形都係非常“生人勿进”的，密密麻麻嘅芒刺就是佢对自己嘅保护。有泰国当地人心灵手巧咁整咗个仿真榴莲斜挎包，外形100%还原榴莲个look，里面有肥美饱满嘅“果肉”，逼真到忍唔住想咬一啖。亦有啲品牌巧妙咁将呢啲拮手刺刺“软化”，用泡泡布模仿榴莲嘅芒刺做成手袋，“泡泡刺”可以伸缩，袋身可以根据所装物品嘅size增大缩小，非常人性化。最特别嘅係佢模仿埋经典嘅榴莲配色，望落就好似揸住一个榴莲壳咁，分分钟变防身神器。除咗呢啲榴莲造型嘅包包，有啲扁身手包都会设计带有榴莲刺元素，整齐排列嘅凹凸刺身，令成个包包嘅质感都升华唔少。

 　　手工斜挎包

 　　bunzaburo手拿包

 　　bunzaburo榴莲包

 　　bunzaburo海胆榴莲包

 　　bunzaburo海胆榴莲包

　　脚气 形神兼备

　　既然有“手饰”，对脚肯定唔可以执输啦。拖鞋有多种款式可以选择，一字款够简单，喺办公室最啱用嚟放松下只脚仔，人字拖就啱潮人出街，虽然佢嘅表面积唔大，但细节都处理得好精致。仿榴莲壳造型嘅拖鞋除咗模仿外壳，仲加咗榴莲嘅果柄喺鞋跟后面，就连内里都模仿咗榴莲肉嘅质感同颜色，着喺脚上柔软有弹性，似足熟透嘅榴莲肉，着住就好似已经闻到榴莲味，超有质感。榴莲底嘅运动鞋鞋底就係模仿榴莲嘅芒刺做防滑颗粒，大半圆嘅底部好似榴莲壳咁，踩住咁嘅鞋底，真系会觉得自己气场两米八。无论大家係钟意佢嘅气味上头，定係enjoy佢锋芒毕露嘅嚣张样，榴莲喺周边产品圈里面，再次认证咗自己果王嘅地位。

 　　俏绘榴莲拖鞋

 　　沃纯榴莲人字拖

 　　榴莲底运动鞋

 　　俏绘榴莲拖鞋