由广州OneMore玩梦街舞工作室主办的O’MA高校联赛总决赛vol.2，6月3日喺我哋羊城创意产业园开波，来自各地嘅高校舞坛精英齐聚于此，燃炸团魂、尽晒舞技。个人炫技、齐舞震撼、Battle激斗、殿堂级国际嘉宾现身……呢次嘅街舞盛事，全程释放“舞”限激情。

　　郭玮/文   主办方提供/图

　　个人技·绝

　　O’MA高校联赛这天，由HERO个人赛海选拉开序幕。各位高校dancer都尽show个人绝技，用最短嘅时间吸引评委眼球。Hip-Hop表演大气自由，张扬年轻人够young够chill；Popping选手将肌肉嘅爆发力展现得淋漓尽致，每个wave、每下slide都行云流水，令人拍手叫绝。选手以两两battle嘅形式晋级，舞者之间亦敌亦友，互相PK时大家都想赢，自然係杀气重重，对决结束后，又会暖心拥抱、给个High-Five，为对方下一个对决给予祝福。有趣嘅係，Color发现参加比赛嘅朋友仔个性特别，内外反差到你估唔到：有啲boy生得硬朗英俊，偏偏中意反串、擅长跳女仔舞蹈；仲有热血精灵嘅舞者，原来特别中意读老舍文学；睇起身柔美嘅女仔，比赛时跳得英姿飒爽……个人技solo，一个人就係一个舞台，让高校dancer尽情发挥自己嘅舞技，亦係最快结识志同道合舞友的social平台。

　　齐舞魂·燃

　　嚟到齐舞比赛部分，高校齐舞团战将决赛现场推向第二个高潮。各个高校嘅精英团队喺出征之前，都会放出口号，为自己嘅社团加油，团魂燃炸。每支队伍都为当日嘅表演，精心设计造型妆发，荧光炫目嘅长袖搭配同色系的脏辫眼影，露腰晒身材的短装，男孩子都可以穿得潮酷型靓，为齐舞增添气势。今次齐舞比赛中，唔少舞台加入角色扮演、剧情设定等新元素，係齐舞亦係舞台剧，俾到好多惊喜大家。暨南大学舞队派出“巾帼”代表，一身酷飒迷彩服尽显帅气；澳门科技大学将自己精心准备嘅小背心搭橙色裤，搞笑形容为“环卫工装”，上到舞台演绎时一啲都唔马虎……最后的Crew Battle看似没有章法，实质藏龙卧虎，唔单止全员摆出战斗格，仲有“大魔王”上阵加持，为了在比赛中胜出，大家都舞力全开。

　　小魔王·炸

　　比赛现场最后一个炸裂高潮，竟然唔係公布获奖名单，而係最强青少年魔王团与国际嘉宾嘅合作舞台。欧洲Hip-Hop战神Niako同来自香港地区的LuenMO，各带领一支青年团队现场battle，为观众献上精彩绝伦的舞蹈表演。咪睇啲“小魔王”仲係年纪细细，身型仲好似塞窦窿咁，其实全部都係舞坛顶尖高手。年纪最细嘅“大力仔”仲係个二年级嘅“小学鸡”，但跳起舞嚟超架势，甩头、地板动作利落到位，一啲唔输大人。而两位领队嘅超炫舞技，更是令在场观众大饱眼福，沉浸式感受到呢啲年轻舞者嘅青春魅力以及街舞嘅“舞”限魔力。

　　PS：想重温这场精彩赛事，还可以到羊城派·可乐生活频道嘅直播帖点击回放，想回顾赛事精彩片段，就要关注“可乐生活Color”视频号、微博、抖音等新媒体平台啦！