睇完电影《封神第一部》，大家有冇畀“质子101”啲肌肉吸引？最近，唔少朋友仔大玩面包创意DIY，制作专属自己嘅“肌肉猛男”面包 ，卖相令人一见倾心，手感同口味都一试难忘。当Color团队准备亲身体验嘅时候，就发现面团发酵过程相当费时，成功率好打击新手，所以谂法多、计仔更多嘅可乐君决定用免发酵的办法嚟DIY，结果一样好掂！

　　郭玮/文  秦丽莹/图

　　免发免揉超easy

　　既然发酵咁嘥时间、难操作，点解我哋唔直接跳过？其实，发酵係一个令面团膨胀产生气孔，面包变得蓬松有弹性嘅过程，係一个对面包成形、塑造口感嘅重要步骤。如果用传统嘅方法等待发酵，就需要用温水加酵母、揉面排气、控制温度、静待时间、重复发酵等诸多环节，而且揉面要揉至“手套膜”程度先算成功，动作费力又费时，冇一定力气和功底，都好难完成。另外，仲受到环境温度、湿度、揉面力度等好多因素嘅影响，发酵这个过程好容易失败，烤完之后才发现无法食用。于是，可乐君尝试以下两种免发酵的方法嚟做面包，原理係令面团喺烤制过程中自主发酵，“边烤边酵”，由于烤箱内温度相对恒定，发酵就更容易，面团完全唔需要揉，直接成型，真係悭时、悭力、悭心机，整包简直easy job！

 　　牛角包

 　　海星

 　　啤酒面包

　　“啤啤”佢

　　利用啤酒内酵母菌会喺高温环境下变得活跃的原理，使面团产生气孔膨胀，达到发酵的效果。喺烤制过程中，啤酒所含有嘅酒精会受热挥发，所以我哋唔需要担心面包会有酒味。不过用这种方式发酵的面团呈糊状，唔容易塑形，建议大家用模具帮佢定型。最终成品会有浓郁麦香味，表面酥脆，内里则较为湿软。

　　1.准备面粉200g、啤酒175g、食用盐3g、干酵母6g，将食材全部混合搅匀。

　　2.然后将面糊倒入烘培纸垫底的烤盘中，因为面糊较稀，太细致嘅造型比较难成型。不过有模具嘅朋友可以尝试。

　　3.烤箱调至180度，定时40分钟。（可提前预热5分钟，但对成品影响唔大）

　　成品。最后可以用朱古力酱装点下面包。

　　Soda milk

　　就是用小苏打+酸奶的办法来发酵。小苏打喺遇到酸性物质嘅时候就会产生活性，产生气泡令面团蓬松。而酸奶的浓稠度，係会影响面团的湿度，想要面团更湿软，可以增加牛奶的用量；想要增强面团的酸性，可以用一点柠檬汁或者少少醋，柠檬汁仲可以顺便祛除牛奶嘅腥味，而醋的酸味会在烤制面包过程时挥发，用量都较为随心。呢款面包口感比较烟韧，可能会有微微酸味，搭配果酱、花生酱等甜味酱食用，风味更佳。

　　1.准备面粉250g、盐3g、小苏打4g、酸奶100g、牛奶100g、柠檬汁1勺，将食材全部混合搅匀。

　　2.将面团揉至不粘手，分成小块备用。

　　Tips：记得在桌面撒适量干粉。

　　3.捻出想要嘅造型，平放喺铺好烘焙纸的烤盘上。

　　Tips：面团之间，要增加粘性可以涂抹酸奶，要避免发大后粘连，烤前要预留多啲空间。

　　4.烤箱调至200度，定时20分钟。

　　5.成品。可按照自己嘅谂法装饰。