夏天係水果丰收嘅季节，大家食完水果，忙里偷闲都中意用果核玩下创意。今年，有朋友仔就发现芒果核嘅“毛毛”可塑性极高，将佢清洗干净、认真打理之后，就会得到蓬松毛绒嘅芒果核“宠物”，真係太会玩了！快跟住Color一起喐手，打造一只属于自己嘅“哈基米”啦！

　　郭玮/文、图

 

　　

　　“芒”里挑一

　　芒果嘅品种丰富，青芒、鸡蛋芒、吕宋芒、小台芒……唔同品种喺唔同嘅时间段都会有唔同嘅口感同品质。而制作芒果核宠物，拣芒果最重要并非果肉口感，而係果核嘅纤维够多够浓密，制作出嚟的成品先有蓬松嘅感觉。例如小台芒，虽然比较细只，但是果香浓郁，甜度较高，并且果核纤维丰富，最容易做到爆毛嘅成品。不过，小台芒盛产嘅季节係5-7月，过咗呢段时间市面越来越少，比较难买到。另外，想要芒果核嘅纤维更多，最好选择树上熟嘅果实，生长嘅时间越长，佢哋嘅纤维会更浓密丰富；野生芒果会比人工培植嘅更多纤维；芒果越大佢嘅核毛量越少……总而言之，大家挑选“母体”嘅时候可以花啲心思啦。

 

 

　　

　　

　　“芒”里偷闲

　　想要养出靓仔嘅芒果核宠物，除咗要有底子好嘅“母体”之外，培养佢成才嘅过程都有好多讲究噶！例如，食芒果嘅时候唔好咬得太干净，靠近果核嘅地方，尽量用“啜”嘅方式吃掉果肉。清洗果核上残余果肉嘅过程中，可以用毛刷、牙刷辅助，添加洗发水、沐浴露等清洁剂，尽量将佢洗到唔滑手嘅状态；如果想毛毛更柔顺，仲可以加翻少少护发素。

　　靓嘅芒果核，据说可以造出这样的毛毛效果。

 　　饰拉美发夹

 　　饰拉美发夹

 

　　

　　

　　“芒”中有序

　　选好适合嘅芒果品种，小心食用以及清洗芒果核，接下来就可以塑造自己嘅“哈基米”啦！可乐君帮你准备嘅实操步骤、贴士简单又实用！

　　

　　

　　

　　1.选取心仪嘅芒果，切开果肉同好友share晒。切嘅时候尽量避开果核，以免伤害到毛毛。

 

　　2.处理干净果核上残留嘅果肉，尽量不要啃咬，并以牙刷辅助用清水冲洗。

 

　　3.洗至果核表面变白，摸落唔滑手即可，接着用厨房纸吸干果核水份。

 

　　4.用风筒吹干水份，期间可用牙刷轻轻梳理毛发。切记风温不要过高，容易令毛毛变硬。

 

　　5.成品。芒果核干透后可以用颜料染色，黏珍珠、贴闪钻就变贵气，加蝴蝶结、镶丝带就变淑女，随心随意打造自己嘅“芒”宠。