“嘴肿鸭鸭”抽纸套、红色异形波波镜、“双手举高”大地毡……呢啲可爱又有个性嘅家居用品，全部出自“林李婆婆”嘅设计师——林李之手。做设计师之前，林李原来仲係模特比赛嘅冠军！性格古灵靖怪，内心细腻的林李，为什么会成为一名设计师？我哋一齐去睇睇佢嘅故事。

　　饶禧/文 受访者、饶禧、黄译萱/图

　　巧合获新生

　　林李成为品牌的创始人之前，曾经係一位平面模特。15岁仲读紧书的林李，陪住朋友参加模特比赛，却意外获得冠军，随即开始自己的模特生涯，一边返学一边为时尚杂志拍摄照片，还获得了《1626》时尚杂志模特比赛的冠军。后来因为健康问题导致体重激增，无奈之下放弃在模特方面继续发展。后来，林李发现玩陶艺可以放松心情，缓解自己心理、生理上嘅痛苦，专门去景德镇学习陶艺制作，之后佢将自用产品放喺房间内，一下子感受到满满嘅生活气息。这个经历俾到佢灵感，决心要打造自己嘅品牌。由模特变成设计师，由艺术嘅展示者变成designer，林李觉得係一个重生嘅机会，令佢搵到自己真正想做嘅事情。

　　把作品当Friend

　　个性鬼马嘅林李希望，用自己嘅设计为大家嘅生活增添色彩，所以佢嘅作品用色大胆，造型天马行空。为咗令呢啲小家具更温暖亲切，林李赋予咗佢哋friend一样的名字与个性：“阿福”係张地毡，係个中意雨天玩水嘅boy；“凶狠的野猪”头套，性格倔强不服输；“不听话鸭鸭”化身抱枕，枕如其名，成日曳曳玩个性……喺咁多个friend中，林李话“趴趴虎”针织抱枕嘅诞生过程最有意思，因为针织材质成本高，难搵到合适嘅厂家合作，最后通过自己真诚的态度以及努力不懈，终于如自己所愿咁搵到适合的材质和成本价。林李回忆到，虽然呢个过程好艰辛，但见到作品完成嘅瞬间，真係好有满足感，觉得一切都好值得。

　　热爱不设限

　　林李的性格，就同佢设计嘅产品一样自由奔放。林李话，当自己遇上灵感枯竭期，不会钻牛角尖，而係暂时选择“放弃”，用其他的娱乐来消除郁闷，等到自己心情平复再有灵感时，再进入设计的工作状态。作为团队leader，佢对成员们嘅管理同样係“放任自由”，唔需要打卡、冇季度考评，佢希望自己团队内的每个人都可以做自己热爱嘅事。今年年初，佢带住团队喺线下开设实体咖啡店，店内陈列都係佢哋创作嘅成品，而餐厅内嘅食物，无论造型或者名字，亦都同呢啲创作有关。林李仲透露，之后有计划推出“抱抱熊”新品，并且会帮自己搞一个小型展览，展示自己啲作品，大家可以期待下啦！

　　潮人小档案：

　　姓名：林李

　　星座：金牛座

　　威水史：

　　品牌创始人兼设计师林李，出生于1992年，中国广州本土青年艺术家，做过平面模特、纹身师，擅长绘画、制作怪异手作。

　　2007年，获得《1626》首次模特大赛冠军

　　2016年，受邀参与国际性DIY聚会——于深圳举办的创意市集MAKERFAIRE

　　2019年，受宜家家居邀请，与其室内设计师ETRO共同参与联合设计项目

　　2022年，受品牌集合店3MODE邀请，在永庆坊创作大型海报、开设品牌市集

　　2023年，在广州创立品牌的第一家<林李婆婆OLINLIOCOFFEE>线下的实体店