著名嘅侨乡恩平，除咗汇聚中西结合的侨乡建筑外，仲係中国首个“温泉之乡”，大家可以係呢度尝试养生美食、体验温泉文化，感受丰富多彩的娱乐生活。今期“UP在湾区”将由紫薇同阿辉带大家开展一趟开心又养生嘅温泉之旅！

　　郭玮/文  Color团队

　　超warm威水史

　　恩平地处华南三大断裂带交汇处，冬暖夏凉、雨量充沛，属南亚热带季风海洋性气候，更有被称为“天下第二泉”的天然千年泉眼。呢度嘅温泉水自然水温喺７０℃-８０℃之间，而且储量大、水温高、水质佳、益素多，素有“恩平温泉闻天下，天下温泉数恩平”的美誉。近年来，呢个宝藏温泉圣地衍生出花样百变的温泉游乐形式，集悠闲、娱乐、养生于一体，超啱时下年轻人贪玩又追求健康嘅chill体验。恩平积极推进温泉民宿行业发展，最近更将恩平打造成为粤港澳大湾区最大的全域温泉民宿旅游地。

　　劲high乐翻天

　　咪以为温泉度假就just浸喺温泉池里面哦，恩平嘅温泉民宿部落，围绕温泉衍生出好多游乐项目。用网红游道打造温泉池，仲有规模大、设施多嘅水上乐园，情侣嬉戏、闺蜜倾密计、兄弟聚会都啱玩；白天呢度係社交打卡地，夜幕降临就变成sweet空间，嗨足一日都冇问题。除咗与水同欢，陆上娱乐都丰富多彩。热恋情人可以join汉服体验，变身古人玩围炉煮茶，浪漫又写意；兄弟齐心嚟个赛车竞技，感受速度与激情，人人都可以係“藤原拓海”；天伦之乐最啱搭船游江，绿水青山中慢游，令人心旷神怡；带小朋友嘅家庭，仲可以畅游航天博物馆，寓教于乐。

　　好chill轻养生

　　温泉水含有大量对人体健康有益的微量元素，泉水经过地下岩层的过滤，水分子团小、渗透力强咗，就更容易被人体吸收。浸泡温泉可以松弛神经、缓解压力，好多后生仔囡都中意趁假期去浸下温泉relax下。恩平温泉民宿部落有唔同温度、成分的温泉池，对人体健康会产生唔同嘅效果，大家可以根据自身的需求来选择。除咗玩水养生，食疗养生都係大家好冧嘅玩法，恩平特色蔬菜簕菜有“解百毒”之功效，更含有丰富的氨基酸和矿物质元素。用簕菜制作而成嘅簕菜宴，就啱晒中意食疗养生嘅为食猫啦：簕菜椰汁糕清爽不甜腻，簕菜焗茶皇虾就清新唔油腻，簕菜煎蛋口感超正……紫薇同辉哥食完都表示返寻味。