广东嘅夏日特别漫长，但冬天又特别冻！最近，广州慢慢降温，大家做好保暖措施未呢？俗话讲“寒从脚起”，脚离心脏最远、血液供应最慢，容易受到寒气侵袭，呢几款暖脚“神器”睇落暖笠笠，应该可以帮大家度过难捱的冬天。

　　饶禧/文 品牌官网/图

　　暖气全方位

　　暖脚宝係冬天暖脚的必备单品之一，传统嘅暖宝得块板，坐得耐脚踝都会feel到阵阵凉风。依家啲暖脚宝升呢咗，实行全包围式保暖方案。保暖范围会拉高到膝盖位置，可以照顾到整条腿；360°环绕嘅设计，可以让热量由下而上扩散开,暖气更加均匀。如果对保暖有更高追求嘅朋友，仲可以选择桶式暖脚宝噶，加盖嘅设计，可以将暖气留在桶里面，脚仔仲有少少活动空间。如果喺办公室用，都可以用来做个足部包裹式spa，保证瞓中午觉唔会冻亲脚仔或者越瞓越冻。打字做嘢做到手仔冻，仲可以将双手都放埋入桶内取暖，一桶多用，手脚暖，全身都暖晒。

 　　向物

 　　YIPAI熠派

 　　向物

 　　YIPAI熠派

　　行走暖笠笠

　　坐住做嘢可以用取暖器，如果要周围奔波，就只能受冷风吹？“怕冻星人”除咗有长袜、厚袜、靴子护脚，还要备一对发热鞋垫。唔同于以前嗰啲一边冻一边热，行下行下仲会脚板底发热嘅暖足贴，依家啲发热鞋垫按足尺码长度，即开即热、发热均匀，可以快速将热量铺满脚板底，令双脚暖而不烫，而且呢啲鞋垫仲会加入海绵，防臭吸汗，行起路嚟更加舒适自信。钟意萌宠造型嘅朋友，可以试下近期好hit嘅发热袜，表面厚厚一层的可爱羊羔毛好得意，有鸭仔、猫仔、熊猫仔等多种动物造型任你选。发热袜嘅保暖原理，係喺袜子底部内藏一层发热垫，仲用自带嘅mini充电宝充电加热；如果将袜子连接手机app，就可以喺线上自行调控袜子温度，实时监测温度变化。如果要着住瞓觉，就记得调好温度，以免温度过高烫伤自己啦！

 　　热力袋鼠自发热鞋垫

 　　牧火发热鞋垫

 　　冇心发热袜子

　　养生有妙招

　　对于上班族嚟讲，忙完一日翻到屋企，最享受嘅时刻莫过于浸住脚睇电视，成个人都好relax。有啲朋友试过，用平时收集嘅奶茶袋当泡脚桶，但温度就唔好把握，都係要搵返专业嘅便携泡脚袋，安全得来体验会更舒适。无论摆喺公司、屋企或者带出门旅游，软层折叠都唔会占太大空间，质地厚实、有锁温层，隔绝寒气从底部透上来，还可以有表面加盖的设计，封住暖气、包围住大腿。如果有关节问题嘅朋友，可以选择加高袋，暖气蒸埋个膝盖，轻松完成每日嘅养生工程，“脚冻星人”浸完就可以舒舒服服瞓一觉啦！

 　　乐活便捷泡脚袋

 　　古旭便携泡脚桶

 　　古旭便携泡脚桶