天气渐渐变凉，又到咗毛茸茸物件当道嘅时候啦！最近，长毛元素真係好hit，柔软温暖又光滑蓬松嘅长毛，绝对係制造秋冬氛围感嘅利器。喺广州，冇乜机会着皮草大衣、毛毛鞋，但你可以自己制作一只得意又实用嘅“长毛怪”饰物，等佢成日陪着你！

　　黄译萱/文 饶禧/图

　　捋顺“长毛怪”

　　想要制作“长毛怪”饰物，一块适合嘅长毛布料係必不可少。佢一面係纺布，一面係长毛，触感好似皮草咁，摸落柔软又感觉好warm，望落毛茸茸好得人钟意。网上可以买到超多颜色和尺寸嘅长毛布料，纯色、扎染、渐变……款式任你选。Color君建议大家拣翻啲鲜艳有光泽嘅颜色，制作任何物件都会让人眼前一亮，而且制作物件比较好搭配。动画片《怪兽大学》中的“长毛怪”苏利文，就是超受欢迎的款式，需要准备的是蓝色、绿色的长毛布料。处理呢种长毛布料嘅难度在于，因为看不到底部，好容易把部分毛毛剪秃了，或者长毛被剪得满天飞，对鼻敏感的人不太友好。喐手裁剪前，可以将毛毛捋顺、梳出一条分界，或者翻到背面将布料裁成你要嘅大小。

 　　贝贝乐享品

 　　长毛包-拍摄地：meowhouse

　　毛茸茸靓袋

　　想要轻松搞掂秋冬氛围感，令成个look睇落暖笠笠，长毛包包可以帮到你。先帮包包凹造型，再搭配小装饰，就是妥妥的“显眼包”啦，穿搭再普通，佢都能成为你的一个亮点。如果你钟意酷盖风格，就做一个巨大嘅毛毛托特包；如果你走的是可爱风，细细嘅手挽包精致又俏皮；如果你性格古灵精怪，可以加对“大眼睛”喺包包上，成个look更加抢眼！再配搭一条用棉绳和毛毛混合嘅手混线，编出一条斜背包链，背起来柔软舒适，而且完全match到长毛靓袋！

　　材料：长毛布料、热熔胶、针线、手混线、纸板、饰品、记号笔、剪刀、尺子

　　1 喺纸板上画出包包，并按照纸板形状剪出两块长毛布。剪之前记得沿梳出条界，另外边界要预出空间，用于缝边。

　　2 把两块布叠埋用针线缝合，长毛嗰面朝内、布嗰面朝外，缝完之后再翻转，包包嘅主体部分就做好啦！

　　3 把手混线好似辫辫子一样，编成麻花辫式样的包链，再将包链缝喺包包两侧。

　　4 挑选喜欢的饰品元素，用热熔胶将饰品贴到包包上。

  成品   

　　靓爆毛毛镜

　　好多人都觉得镜中嘅自己，往往比拍出来的照片好睇，所以好多人钟意对镜自拍，避免镜头变形带来嘅面部膨胀感，还特别适合show靓靓美甲、戒指、手机壳等拿在手上的物件。虽然相框并非主角，但想要衬出你嘅靓样，呢款长毛镜就啱嗮你啦！材料简单而且只需要剪和贴，手工小白都可以轻松handle，低成本又高颜值，每日对住靓镜照靓样，心情都靓啲！长毛的毛流可以塑造“长毛怪””性格，单一颜色毛色、毛流向外梳，整出来的“长毛怪”显得张牙舞爪；用两种颜色搭配、所有毛毛向下梳顺，就会显得佢温顺可爱一些。

　　材料：镜子、长毛布料、热熔胶、尺子、记号笔、剪刀、饰品

　　1 按照镜嘅尺寸，将两种颜色嘅布料剪成小块。用热熔胶帮每块布封好边，边缘折埋，长毛就显得更蓬松！

　　2 在镜上预摆出你想要嘅长毛镜款式，再用热熔胶粘喺镜上面。想让“长毛怪”显露点样的性情，就要注意毛流方向。

　　3 选一两个喜欢的饰品，用热熔胶粘在毛料上。注意不要选太多饰品，不然就会抢了毛毛的C位。

 　　成品