去年热播嘅《一舞倾城》《法证先锋5》，“阿关”关楚耀嘅演技越来越入屋，演艺事业有咗起色，佢又重拾“歌手”身份推新歌了，之后仲会有咩惊喜？上个月，可乐报举办“班马文化节”嘅时候，佢就嚟现场探班，提起佢一路成长有Color陪伴，同Color缘分匪浅呢！

　　郭玮/文  受访者提供、秦丽莹、剧照/图

　　《法证》收视密码

　　喺《法证先锋5》嘅“地狱模仿杀人案”中，由关楚耀饰演嘅董应伟，同蔡洁扮演嘅“法医”范佩清，上演咗一场惊艳观众的“爱你爱到杀死你”嘅戏码。因董应伟有反社会人格，变态式杀人之后，差啲被正义法医感化，但最终心魔作祟走上不归路。关楚耀演技大爆发，将“变态”诠释得淋漓尽致，特别係佢控制女主企图将佢解剖嘅一幕，甚至成为《法证5》嘅收视密码。现在《法证先锋6》正在紧锣密鼓拍摄中，阿关将会以全新人物形象参演，继续同doctor范纠缠不清，佢仲笑称係因为大家中意佢喺《法证5》中嘅“变态”表现，所以导演先会再揾佢拍续集。再谂返阿关喺《一舞倾城》等剧嘅演绎，大家都越来越认可佢嘅演技，所以佢戏约不断都係有原因嘅。

　　重拾“歌手”身份

　　近几年，阿关放咗好多时间同精力喺影视上面，佢觉得係时候要重拾翻“歌手”嘅身份，做多啲音乐作品。2023年8月，关楚耀推出新歌《逐》，讲述自己喺追逐梦想嘅道路上，遇到迷惘、波折，不断挑战困难，最后揾到出路嘅心路历程。呢首歌同“讲者”等广州本地嘅团队合作，对佢嚟讲係一次新尝试。嚟到班马音乐节，阿关遇到rapper“陈老师”，即刻上前表达自己想合作嘅意愿；阿关仲话，自己钟情玩音乐，亦享受live舞台，好期待下一次Color嘅活动或者班马的舞台，可以邀请佢嚟参加，Color君亦十分期待阿关嘅新作品及精彩舞台。呢种以乐交友嘅氛围，令大家都好开心。

　　点亮Color回忆

　　旧年係《可乐生活》20周年，“班马文化节”就係周年庆活动之一。作为Color老友记嘅关楚耀，即刻过来“班马文化节”探班，同Color庆祝生日。再翻开可乐报，阿关谂起以前仲喺好多活动上，接受过可乐君嘅采访，自己都曾经上过可乐报噶！可乐君·牛牛喺自己啱“出道”冇耐嘅时候，就已经同阿关做咗专访，仲记得当时阿关正宣传紧自己个show，两人倾完计仲一起take selfies添。睇翻旧相，阿关大赞可乐君·牛牛越大越靓，而牛牛觉得，无论係以前定係依家，阿关都咁暖咁nice。最后，阿关表示，希望Color越办越好，非常期待未来同我哋有多啲合作，大家拭目以待啦。