上个月，我哋举办嘅班马文化节好热闹。在班马文化节第一击嘅湾区原创音乐趴中，Color君认识咗新朋友：香港嘅rapper兼音乐制作人 Dough-Boy ，同澳门说唱新势力AVIBE里面嘅成员。咪以为说唱人就好chok，其实佢哋亦好健谈，对音乐同音乐以外嘅事都有自己嘅谂法。

　　郭玮/文 秦丽莹、受访者提供/图

　　Dough-Boy:咪谂咁多!

 　　Dough-Boy 係香港新生代rapper，为侧田、王嘉尔等歌手制作过作品。其中，为电影《狂舞派》OST演绎了rap部分，此曲斩获香港电影金像奖最佳原创电视歌曲奖项。

　　同friend默契多

　　前段时间，同侧田friend咗好耐嘅Dough-Boy，以嘉宾身份出席侧田嘅演唱会。佢话，即使同侧田分隔两地，还是能通过线上交流，彼此信任又有默契，一样可以创作出完美嘅作品。喺演唱会现场，Dough-Boy因为紧张弹错伴奏，侧田唔单止冇嬲，仲鼓励佢放松心情，可见佢哋友情深厚。喺采访当日，Dough-Boy拣咗佢写俾MC HOT DOG嘅《她的眼光》来表达自己的嘅心情：“平平淡淡咁啰，唔会太用力嘅感觉！”说罢就开始跟着节奏、身体律动，好freestyle咁完成Color嘅采访。

　　有feel就创作

　　除咗玩音乐，Dough-Boy最近仲玩起咗摔跤，虽然只是有一定规则、带有表演性质嘅玩法，但仲係有人会调侃佢，身材瘦都玩啲咁耗体力嘅游戏？Dough-Boy反而觉得，凡事唔好谂咁多、唔好惊，想做就做咗先。呢条处事法则，都被佢应用喺音乐创作上，有时灵感嚟咗要创作嘅时候，佢会规定自己用半个钟出个作品框架，如果超出呢个时间，Dough-Boy会先“放弃”呢段feel，等下次有feel嘅时候再来创作。

　　AVIBE:思维多元

 　　AVIBE团名灵感，來源于澳门区号前两位数字“85”的英文谐音，目前有11位擅长不同领域嘅成员组成，作品加入好多澳门的元素。

　　立足本土

　　AVIBE作品中的澳门元素，可谓包罗万象，或者会融入一啲自己喺澳门生活嘅经历，例如夜场文化、人文关怀、时事内容，又或者係澳门年轻一代嘅拼搏精神等。因为组合人数较多，组合内人员唔同嘅搭配都会有唔同嘅火花，所以同其他乐队组合相比，AVIBE觉得自己会更多元化一啲，创作出嚟嘅作品类型亦相较丰富。

　　“斜杠”体质

　　AVIBE嘅各位成员，除咗有自己擅长嘅rap技能之外，每人喺队内都有一个“特别身份”。例如有人中意做gym，就成为队内嘅“健身担当”，督促其他成员进行身材管理；中意饮可乐嘅主理人，就係大家嘅“汽水担当”，得闲中意约埋大家drink一drink；“桌游担当”中意玩牌类游戏，闲时大家都唔使怕闷啦……AVIBE队员们大多有自己嘅正职，玩rap玩音乐，係佢哋最大嘅消遣。依家好多大型晚会，会特别安排说唱嘅表演环节，令到AVIBE多咗好多演出机会。相信喺未来，AVIBE会带嚟更多惊喜俾我哋。