民以食为天，粤语中好多睇落好好味的嘢，原来唔食得？可乐生活融媒体直播间嘅“Color厨房”新开张，“反骨琪”蒋家旻就嚟试“头啖汤”啦！佢就话有啲“唔食得”嘅得意嘢想同大家分享， 快啲跟住可乐君一起“开餐”啦！

　　郭玮/文  秦丽莹/图  蒋家旻 郭玮/模特

　　头啖汤

　　tau4 daam6 tong1

　　广府地区的人“日日要煲靓汤”，煲好嘅汤水第一啖係最新鲜滚热辣的，所以饮到第一啖汤的人就係最先品尝美味的幸运儿。后来饮“头啖汤”的人就引申为，无论做乜事都争当第一名的人。能够饮到“头啖汤”嘅人，一般都係抢占先机、提前到埠嘅人。

　　造句：旻旻就叻啦，今次胆大心细抢到新科技嘅头啖汤，实有发围！

　　电话粥

　　din6 waa2 zuk1

　　通常同“煲”字连用，意思係打电话的时间很长。喺粤语入面，“煲”是指长时间的烹饪，煲粥的时间长，粥就会越来越软绵、浓稠、丝滑，煲电话粥的两个人的感情，越煲越火热，越讲越亲密。

　　造句：Mary同Mike正打得火热，晚晚都要煲几粒钟电话粥。

　　人头饭

　　jan4 tau4 faan6

　　唔好惊，“人头饭”并唔係真係要吃人头，亦唔係乜恐怖食材，而係按一桌上有几多人就上几多份饭的意思。广府人请人吃饭。最怕就係款待不周，所以上“人头饭”，等服务员数清楚再上饭，一人一碗饭就实冇甩漏了。上“人头饭”体现出对每个客人的尊重。同样吓人嘅仲有煲仔饭、油炸鬼，都曾经让外地人闻风丧胆，但试过之后返寻味。

　　造句：部长，餸菜上得差唔多啦，唔该帮我哋个人头饭！

　　煲冬瓜

　　bou1 dung1 gwaa1

　　粤语中的“煲冬瓜”，其实是“普通话”的变音，以前粤语地区嘅好多朋友讲普通话不标准，读“普通话”呢三个字嘅时候，发音会好似“煲冬瓜”，以前呢个用法有嘲笑的意味，不过现在大家宽容咗，“煲冬瓜“只係拿来开玩笑，笑下自己或者笑下相熟的朋友。

　　造句：估唔到喺香港长大嘅阿Ben，居然啲煲冬瓜讲得咁好。

　　打边炉

　　daa2 bin1 lou4

　　打边炉实际为打甂炉，“打”原含有击打或类似击打的动作，而打边炉的“打”，就係指“涮”的动作。根据《广州语本字》的解释，因火炉通常放于人的左右，即人的旁边。人守在炉边，将食物边涮边吃，所以就叫打边炉，唔係食物本身，而係一种煮食方法。

　　造句：广州一降温，大家就会好想去打边炉，食到全身暖笠笠。

　　食生菜

　　sik6 saang1 coi3

　　喺广东，一年四季都可以食到蔬菜，而生菜就係所有食肆都会备货的。在粤语中，“食生菜”除了字面意思，仲有做某件事易如反掌、好容易的意思。呢个用法偏贬义，仲经常同“发誓”一词一起用，“发誓当食生菜”就係话随随便便发誓，好似吃生菜一样随便，对承诺不负责任，冇担当、冇诚信的意思。生菜可以随便食，但做事、发誓就唔好当食生菜啦！

　　造句：呢件事唔容易办到噶，你以为食生菜咩？你咁随便应承人，到时做唔到就麻烦了。