相信“尼尔叔叔”嘅《艺术创想》，係好多朋友仔嘅童年回忆，细细个嘅时候，或多或少睇过，喺节目中学纸塑手工，成为你各种DIY心思的启蒙之师。临近儿童节，Color君决定重拾童年学到嘅纸塑手艺，帮我哋嘅代言人“班马”仔换个新look，同大家过一个colorful嘅儿童节！
郭玮/文 饶禧/图
“纸”有真情
喺尼尔叔叔手中，只用手工白乳胶搭配纸巾，就会产生魔法，变出一切你想要嘅小玩意。为咗令成品造型更立体，制作大致模型雏形时，仲会用废旧报纸嚟塑形；手工白乳胶干透后，呈无色透明状，而柔软易塑嘅纸巾经过乳胶固化后，形状会变得坚挺；等基础步骤完成后，就可以得到一个雪白纸胚，可以喺上面画上自己中意嘅图案，涂上心仪嘅色彩，打造专属自己嘅作品。如果同特别嘅人、喺特别时间节点、用上有纪念意义嘅纸张来制作呢款纸塑，白乳胶固定嘅唔单止係作品嘅造型，还有独一无二嘅感情。
“纸”要你知
虽然白乳胶质地比较粘稠，但是佢可以溶于水，因此喺大面积涂抹嘅时候，可以用水将其稀释，越稀嘅白乳胶液体越容易均匀涂抹。不过，水份越多，就要用越多嘅时间挥发，大家一定要耐心等佢干透、变硬。喺潮湿嘅天气，仲可以用风筒、暖风机等工具辅助烘干，但是温度唔好调得太高，高温烘烤纸制品容易诱发危险。根据Color君的经验，白乳胶比清水按照5：1嘅比例进行勾兑比较适合，唔同牌子嘅白乳胶浓稠度会有一些差别，大家可以按实际情况嚟调整。喺包裹模型时，可以选择擦手纸或者不溶于水的纸手帕，因为易溶性厕纸喺涂胶过程中容易融化移位，影响成品嘅表面平整度。
“纸”变魔法
材料：瓦楞纸、报纸、纸巾、手工用白乳胶、广告颜料
工具：颜料笔刷、铅笔、剪刀、透明胶带
1 用马头玩具做基底模型，再用废旧报纸包出班马头部形状。
2 用透明胶纸固定报纸，令细节明显一啲。
3用兑过水的白乳胶涂抹班马头部模型，贴上纸巾，再用白乳胶湿透纸巾，并重复该步骤。
4马头纸模干透后，用美工刀切开1/3模型，小心将用作基底嘅马头玩具取出，用第③步嘅方式修补接口。
5用揉成团状嘅旧报纸填充模型内部，令模型更有分量、更坚挺、更耐用。
6用广告颜料彩绘马头纸模，打造colorful嘅“班马”仔。
成品： 为“班马”戴上缤纷假发、精灵墨超，即刻变身最潮最IN嘅IP。
