就算我哋长大咗，依然对儿童节念念不忘，因为小朋友有好多肆意妄为的“特权”：唔高兴嘅时候，可以百厌、曳曳、扭下计，高兴嘅时候，得戚招积扮下盏鬼，菂菂薂薂嘅小朋友，点睇都好可爱。甜美又鬼马嘅阿Moon刘佩玥，同可乐君·牛牛想象自己坐上哆啦A梦嘅时光机，齐齐变返细蚊仔，同大家玩转小朋友嘅粤语词！

　　郭玮/文  秦丽莹/图

　　刘佩玥、郭玮/模特

　　百厌  baak3 jim3

　　百厌一词通常指调皮、淘气、捣蛋的行为，多用于小朋友的顽皮举动。“百”喺粤语中，有多的意思，例如蜈蚣好多脚，广府人就会叫佢“百足”；“厌”有厌烦之意，小朋友调皮捣蛋就会被其他人厌烦。有家长仲会用“百厌星”嚟形容自己嘅小朋友，但呢个词放喺父母或长辈对孩子的训斥中，往往带有爱意。

　　造句：牛牛太百厌啦！打烂嘢仲唔肯认，阿Moon都忍唔住扭佢耳仔了。

　　曳曳  jai1jai1

　　曳曳嘅本字係“䦵䦵”，喺粤语中多指小朋友不爱听从管教，比较顽皮，或者指小朋友爱发小脾气、爱撒娇。呢个词同“百厌”意思相近，但“曳曳”还包含差、坏、劣的意思，广州西关老街坊会将身体健康情况差，讲成“身子䦵”。

　　造句：牛牛太百厌啦！打烂嘢仲唔肯认，阿Moon都忍唔住扭佢耳仔了。

　　扭计  nau2 gai2

　　“扭计”一词係由“扭六壬”衍化出嚟嘅。扭六壬，係中国古代的一种推算占卜活动，能预断吉凶，喺粤语词义演变过程中，就演变成为求达到某种目的，想尽办法、费尽心思去算计、纠缠不休。好多小朋友讨要自己心仪的玩具不成，就会同家长扭计、耍小脾气。

　　造句：小玥同牛仔又为咗争一个公仔，喺长辈面前扭计，互相都唔理对方。

　　菂薂  dik7sik7

　　呢个词常用于形容人或者物件的外形很精致、细小，等同于“小巧玲珑”。"菂"喺古代指莲子，“菂薂”就係莲实，莲喺人们心中一直係上等之物，具备“出淤污泥而不染”的品质。菂薂”凭借娇小的外形博得人们的赞誉，并且成为一个赞美事物的词汇。

　　造句：阿moon见到牛仔咁菂薂，忍唔住想孭起佢。

　　得敕  dak1cik1

　　得敕解释为过分地炫耀、招摇。喺古代，“敕”通常指皇帝的命令，“得敕”就等于得到皇帝圣旨，可奉旨而行。依家就多数用于描述有恃无恐、行为过分的人，有得意、显摆的意思。而当佢用嚟形容小朋友的时候，又会带有活泼可爱之意。因为喺粤语中“戚”与“敕”读音相近，该词常会被写为“得戚”。

　　造句：有人赞呢两只马骝可爱，佢哋即刻就得敕到趌（gei1）起条尾。

　 　　盏鬼  zaan2 gwai2

　　“盏鬼”属于广东俚语，意思係事物十分有趣、过瘾、可爱。“盏鬼”中的“盏”字本来是“㜺”的代替字， “㜺”係用来形容女士皮肤白且漂亮，引申为美好的意思，所以亦有专家认为，呢个词改由“盏”字代替，不能够完全代表美好、有趣。

　　造句：呢出动作片真係好盏鬼，小朋友个个都睇到入嗮神、唔舍得走。