喺《福禄寿训练学院》上，“行走的CD机”梁山山，首集亮相却以超犀利嘅“扮嘢”技能出圈，赢得观众点赞和三位导师嘅认可。呢位来自广州的艺人，最近专程嚟可乐生活融媒体直播间接受我哋嘅专访，同可乐君一起唱歌、一齐“扮嘢”，过程劲欢乐。

　　郭玮/文   秦丽莹、受访者提供/图

　　扮嘢技能惊艳

　　其实，梁山山并非新人，作为歌手，佢曾经推出《甜心是你》《风中追风》《一水同舟》等代表作，作为演员，佢参演过多部影视作品，在《火力少年王之悠风三少年》中饰演男一号罗亦然， 人称”大萝卜”，好多朋友仔话山山係自己的童年。而最入屋嘅角色，就係佢喺粤语情景喜剧《外来媳妇本地郎》中饰演嘅“朱利安”。今次参加《福禄寿训练学院》，唔单止一展歌喉，丝滑切换张学友、谭咏麟、古巨基等当红歌手嘅唱法，係名副其实嘅“行走的CD机”，同时，用搞怪脚本串连剧情 ，让舞台充满戏剧性，过人的“扮嘢”技能令观众笑到肚痛，亦得到”福禄寿“三位导师嘅认可。嚟到Color班马直播间，山山嘅鬼马性格即刻展现出来，重现喺节目上嘅精彩瞬间，更加码升呢放送喺节目中未show过嘅技能：扮曾志伟唱《浮夸》、学王祖蓝大笑、用刘德华声线唱《初恋》等等，熟悉而有辨识度嘅声音 ，到位嘅神态、表情、小动作，惊艳咗现场所有人。

　　“学院”帮他升呢

　　参与到“训练学院”，山山话学识咗好多”扮嘢“新技能。例如，扮演一个角色，原来唔係声线似就得，要抓住对方嘅发音特点，放大佢嘅特色，再加啲自己嘅感觉入去，先可以将呢个”被扮演“嘅对象演活。山山仲透露：曾志伟同蜡笔小新嘅声音虽然似，但志伟哥嘅音调高好多；刘德华唱歌嘅时候有戏腔；古巨基唱歌就有自己特别嘅发音方式……可见佢平时花咗唔少心机去研究。“扮嘢”扮到出神入化嘅山山 ，原来最中意扮演“歌神”张学友。同可乐君·牛牛倾计、玩游戏嘅时候，会情不自禁就学“歌神”唱歌，用“歌神”饰演过嘅角色形象同大家解释粤语词，“强行”安排“歌神”融入到我哋嘅“粤语课堂”栏目中。录制视频嘅时候，一觉得唔妥就主动要求重录。可见，佢在工作时，总带着一份坚持和执着。

　　亲测“戏精”上身

　　一个中意扮嘢嘅人，当然需要一个可以扮嘢嘅世界。于是，我哋带佢到棠下智汇park打卡，呢度有各种风格嘅街景，又以室内场景为主，唔怕日晒雨淋，随时随地拍大片。一到现场 ，山山即刻想象力爆棚，“戏精”上身。见到路边嘅摩托车，山山即刻想到经典港产片《天若有情》，化身“华弟”话要带住牛牛风驰电掣；见到有红绿灯的马路街景，佢又会联想到偶像剧中嘅浪漫情节，再安排埋扫地嘅清洁车驶入镜头，画面的戏剧元素就更加丰富了；红色的士做背景，啱晒拍港风大片，佢就揾个小伙伴扮司机、揿喇叭，务求令自己更加入戏；英伦风电话亭明明是小甜剧嘅场景，山山加咗几个“假动作”，当场变成喜剧……每张定格chok到晕嘅大片，背后都有一段爆笑花絮。同可乐君玩耍后，山山就要赶去香港继续参加节目嘅录制，期待佢喺节目中带畀大家更多惊喜啦。