电视剧《逆天奇案2》啱啱播完，最后阿wing同森sir有情人终成眷属，係咪都啱晒你哋心意咧。饰演“阿wing”嘅林夏薇话，见到观众同呢个角色共情，佢就觉得好开心，因为喺演绎呢个角色嘅时候，薇薇摆咗唔少心思落去噶。

　　郭玮/文   受访者提供、剧照/图

　　戏里冧到戏外

　　由《逆天1》到《逆天2》，观众可以明显咁feel到，“阿wing”由有啲恋爱脑嘅sweet girl，成长为坚强自信、专注事业嘅独立女性。薇薇话，“阿wing”身上有自己嘅影子，都係外表柔弱但内里好捱得。为咗令观众睇到呢个角色嘅成长，佢设计用唔同嘅装扮、唔同嘅语气讲对白，这些细节让佢变得成熟沉稳；同时，为咗保留呢个角色嘅魅力，佢keep住“阿Wing”的温柔，令观众觉得呢个“阿wing”依然熟悉。薇薇话好中意个结局，既然大家都希望佢哋喺翻埋一起，咁就借呢部剧嘅大团圆结局，送畀天下有情人啦，真係好冧好sweet。

　　唔想成日都喊

　　薇薇早前完成咗《黑色月光》嘅拍摄，佢话“卓慧云”係佢入行以来，饰演过最黑暗嘅一个角色，甚至可以话，係同有爱又善良的“阿wing”超级反差嘅一次演绎，曾经因为太过投入角色，令佢心情好沉重。喺剧中，佢饰演嘅卓慧云为求目的不择手段，内心黑暗又孤独，逼自己变成战斗力好强嘅狠角色，薇薇觉得演绎呢个人物係自己嘅新尝试，更係一个大突破，希望大家期待一下佢嘅表现。薇薇呢段时间演过嘅角色，都容易流眼泪，佢话：“一直keep住沉重嘅情绪好辛苦啊。”，所以，佢希望后面可以试下一啲正能量、喜剧嘅角色，可以有多啲开心嘅情节。

　　学习紧balance

　　最近，薇薇创立咗自己嘅钻石品牌，又经营紧连锁餐饮店，工作与生活都係忙并快乐着，呢一切都得益于理解同支持佢嘅屋企人，以及一班有经验又信得过嘅拍档。依家佢都仲学习紧分配时间，兼顾自己嘅事业与家庭；演艺事业方面，佢想自己有多啲尝试 ，虽然演戏先係自己最擅长嘅，但有合适嘅机会，佢都乐意尝试唱下歌、跳下舞。依家嘅薇薇，一边努力完成自己定下嘅目标，一边同自己讲：“放松啲，要一步一步脚踏实地，慢慢咁做好自己嘅本分。”