龙舟声声，粽香飘飘，端午节要来啦！广东粽平时都有得食，端午节不如搞搞新意思？想喺造型、口味都要食出新花款，就要试试其他地方风味嘅粽子了。要体型有体型，要颜值有颜值，馅料可甜可辣，搭配新奇到令你O嘴，好啱中意新奇趣怪嘅你噶。

　　饶禧/文 品牌官网/图

　　Plus版超有料

　　现在手机、电器经常推出Plus版，原来粽子界都有！外形霸气，用料丰富，真係睇到都觉得好满足！

 　　七龙珠粽馅料丰富

　　七龙珠粽 

 　　   粽子中嘅“巨无霸”当数来自浙江嘅七龙珠粽，佢重量约为一斤，有成只手掌咁长，斋睇个外型已经够晒霸气。内里用料冇花冇假，有七个咸蛋黄同满满五花肉，上锅蒸熟后，流油浸入软糯米中，粽叶同内馅嘅香味扑面而来。

 　　七龙珠粽

 　　七龙珠粽

　　广西凉粽 

 　　  长条甜粽嘅Plus版，当属广西凉粽。凉粽又名“灰水粽”，外型细长手感软糯，内里晶莹剔透。喺制作时，当地居民通过烧炭取“灰水”，再将糯米浸泡在“灰水”中，蒸出嚟嘅粽子入口冰冰凉凉、弹牙软糯。传统食法係蘸白糖或者糖浆，充满嚼劲嘅糯米搭配舌尖嘅甜蜜，令人食过返寻味。

 　　广西凉粽

 　　凉粽蘸蜜糖

 　　凉粽蘸白糖

 　　大大条的凉粽

　　有颜有内涵

　　颜值高，无论在什么领域都係加分项。商家们年年都喺造型上整色整水，花尽心思。睇睇今年又有咩新花样先！

　　雪龙粽 

 　　 为咗贴合翻今年龙年嘅属性，元祖推出“雪龙粽”，品牌专属IP“龙年脱兔”印喺粽上，造型得意盏鬼，望见都唔舍得食落口。慕斯质地嘅绿色外皮溢满奶香，包裹住味道浓郁嘅冰淇淋，入口丝滑醇香，甜到心尖。

 　　元祖“雪龙粽”

　　奶酪粽 

 　　  网上大热嘅奶酪粽，外观色彩缤纷，口味亦相当丰富：绿色抹茶、紫色芋泥、黄色奶黄……用血糯米将唔同口味嘅馅包裹住，中间再夹一块超大嘅咸甜奶酪，一啖落口，甘甜Q弹嘅血糯米与浓郁香醇嘅奶酪喺口腔相融，冲击味蕾，如果摆入雪柜冷藏下，入口会更加冰凉丝滑。

 　　杏花湾“血糯米奶酪粽”

外国特色粽

　　其实，喺其他国家都有一些具有当地特色嘅粽子，近期有出游计划嘅朋友，就可以顺便去试试。

　　新加坡“娘惹粽” 

 　　 由蝶豆花汁染色变成梦幻嘅淡蓝，颜值十分出挑。娘惹粽嘅内馅由肉、芫荽籽同白胡椒粒混搭制作而成，因此口感甜中带辣。喺端午前后，当地超市、专门售卖粽子嘅店铺会售卖。

 　　新加坡“娘惹粽”

　　墨西哥粽子“达玛尔”

 　　  喺墨西哥，“达玛尔”被叫做“Tamale”，係当地街头小食嘅主角。馅料用粗颗粒嘅粟米面、肉片、辣椒组合，再用香蕉皮包住，地方特色风味十分浓郁。据当地人介绍，每个礼拜嘅本土Farmers Market上，都可以喺Tamale摊见到，不过，蘸酱係需要另外购买嘅，粽子要放入冰箱冷藏，食嘅时候蒸30分钟即可。

 　　墨西哥“达玛尔”

　　泰国甜粽“吉掌” 

 　　  大小同鸡蛋差唔多，剥开绿色嘅外皮，里面晶莹剔透，金黄色嘅内馅用料有椰子、黑豆、芋圆，口感香甜细腻。由于糯米被椰汁浸泡过，食起身带有淡淡嘅椰丝清香味，可以蒸或者烤嚟食。依家中泰两国永久互免对方公民签证，要去泰国旅游就好方便，当地街头嘅美食推车仔就可以买到“吉掌”。

 　　泰国甜粽“吉掌”