中意养生嘅广东人，一年四季都想去温泉浸一浸，缓解压力和疲劳。从化嘅广东温泉宾馆被称为“岭南第一温泉”，算係“老字号”温泉宾馆了，近排经过全面翻新，以稀有嘅泉水水质、传统的美食以及独一无二嘅靓环境，吸引咗唔少游客。趁住天气冻冻地，可乐君带大家沉浸式打卡呢份暖笠笠嘅浪漫啦。

　　饶禧/文 黄译萱/图 饶禧/模特

　　稀有泉水好把炮

　　去浸温泉，首先梗係睇温泉水质。广东温泉宾馆最为特别嘅係有小苏打氡温泉，呢款泉水係世界稀有水质，因此吸引咗唔少游客嚟打卡。“岭南第一温泉”好把炮，直接将温泉眼“摆”喺宾馆门口，热气腾腾嘅温泉水源源不断流出，即刻可以落手感受温泉水质，背后碑石帮你set好打卡位。无论住客或游客，都可以去叹呢度嘅温泉，宾馆大堂门口就有观光车，专门送你去浸露天温泉。庭院式嘅露天温泉池，周围有花花草草相伴，温泉水质清透舒适，仲按疗养功效分区，“中药池”主打养生、养颜，“活力池”係for放松筋骨、舒缓疲劳，“冰火两重天”池够嗮刺激……然后，去汗蒸房和热炕区继续发汗，成个人舒爽嗮。房间升级最明显，中式装潢保留了宾馆嘅历史底蕴，智能设备又多咗舒适嘅体验，最重要嘅係，大部分房间都喺阳台或庭院配备私汤，住客可以同闺蜜好友匿喺房间里面“煲靓汤”，毫无包袱咁拍大片。

　　露天温泉

　　露天温泉活力区

　　兰苑山谷温泉合院套房私汤池

　　露天温泉中药区

　　“岭南第一温泉”碑石

　　地道美味“双重”buff

　　嚟到号称“广州后花园”嘅从化，当然要好好品尝正宗的从化美食。陶然餐厅原来係广东温泉宾馆嘅老牌餐厅，嚟到一定要试试佢哋荣登“大湾区好味榜”嘅招牌菜。浸温泉必食温泉蛋，惹味嘅“温泉蛋荔枝柴烧鸡”有蛋又有肉，一次满足你两个愿望。用71℃温泉水浸熟嘅温泉蛋，嫩滑有流心，要先食；鸡选用荔枝园养嘅果园鸡，加上秘方调料腌制，放入窑炉中用荔枝柴烧，鸡皮金黄酥脆，鸡肉肉汁饱满，都要趁热食。用广东最传统做法制作嘅“姜油焖青头鸭”，只加盐同姜调味，保留鸭的鲜味，姜油浸住鸭肉，将香味充分渗透到鸭肉里面，翻炒后加上姜丝，让鸭味更加清爽，越嚼越香，食到停唔落嚟。艾糍係从化经典嘅点心，用新鲜艾草和成糍粑皮，包裹炒香嘅花生芝麻碎，再用清香粽叶包住蒸，外层软糯内里粒粒分明，係一味有双重口感嘅餐后甜品。

　　姜油闷青头鸭

　　用71℃温泉水温熟嘅温泉蛋

　　从化蒸艾糍

　　温泉蛋荔枝柴烧鸡

　　浪漫氛围天然造

　　广东温泉宾馆沿流溪河而建，西望白石山、东临流溪河，被包围喺山林之中，咁靓嘅环境，成为好多经典影视作品的天然片场，亦吸引咗好多名人驻足，留下书画墨宝。爱情片《庐山恋》中“石破天惊第一吻”，就喺温泉宾馆内的观帽桥拍摄。行过观帽桥，在溪流边就会见到周恩来总理居住时亲手栽种的红梅。脚边溪流叮咚、抬头梅花绽放，漫步其中，空气带着花香，感受独特嘅浪漫。来到翠溪宾舍文献艺术馆，仲可以感受呢度深厚的历史文化底蕴。喺湖滨区嘅亲水层，设置红色文化主题的亲子房，如果一家大细过来玩，齐齐绘红梅、玩冰壶、印记追踪，浸温泉之余，仲可以学到新知识。

　　广东温泉宾馆全景

　　亲子房游戏指南

　　日落时分的松园画廊

　　《庐山恋》《闪闪的红星》都曾在此取景

　　观帽桥

　　亲子房间全景