作为世界文化遗产地，澳门一直是全球旅行者热门旅游目的地。佢嘅街巷，有传承百年嘅古老韵味；佢嘅美食，中西交融出独特嘅风味；佢嘅“丝路”历史，日渐重现华丽光彩……澳门回归祖国25年里，经济、文化都得到长线发展，变得更繁荣迷人。新一年，跟住可乐君新游澳门，打卡新晋旅游点，感受美妙的烟火气。

　　郭玮/文  秦丽莹/图

　　同安街

　　寻“澳门”墙

　　近段时间，澳门新增咗各式各样嘅“澳门”打卡墙，我哋可以按“墙”出发，沿路观光。除咗大三巴、官也街呢啲必逛景点之外，有啲“澳门”墙匿埋喺比较撩唥隔涉嘅位置，去揾呢啲打卡墙时，就会惊喜遇到小众嘅景点。好似风顺堂区高楼街嘅光希亭，喺一个小区儿童公园旁边，如果唔係专登行过去，其实好难注意到呢度。除咗可以打卡亭身嘅“澳门”字，仲可以饮翻杯澳门风味嘅咖啡。从光希亭行去妈阁斜巷嘅“澳门”墙，会路过奶黄色嘅港务局大楼以及一排住家小店，其中有街坊日常帮衬嘅理发屋、老人家经营嘅食品店等，你可以好好感受地道嘅人情味。平时逛福隆新街，由头行到尾就结束，依家要去揾埋附近嘅“澳门”墙，就需要沿住斜坡继续往上走，just转个弯、行多几百米，景观即刻唔同咗，如果遇到黄昏日落，氛围会变得劲浪漫。

　　妈阁斜巷

　　cafe品牌的澳门墙

　　官也街

　　红窗门街

　　cafe品牌的澳门墙

　　光希亭

　　尝“西洋”味

　　大家都知道，到澳门必食肉脯、葡挞。其实除此之外，澳门仲有好多古早西点，由西方传入 ，渐渐融入中式味道，变成澳门特色嘅美味 。有半世纪历史嘅占西饼店，招牌嘅炸蛋球、奶油筒都好出名，而可乐君推荐佢哋一直坚持做嘅核桃马令和鸡汤软糖。核桃司令嘅外壳，好似马卡龙咁酥脆甜蜜 ，底部加咗酥皮挞壳，中间嘅核桃糖浆烟韧香甜，一啖可以集齐三种口感。鸡蛋软糖入口蛋香浓郁，沙沙糯糯嘅口感令人回味无穷，呢款葡式点心因为制作工序繁琐，以前要过时过节先会有得食，依家都唔係成日可以食得到。连店名都好随意嘅菲律宾面包店，一蚊一个金牌小面包，香芋夹心包五蚊有交易，小店出品简单实惠，好多本地居民都中意帮衬。金马伦咖啡饼店嘅学生包，包体扎实，越嚼越有奶香，难怪比猪扒包更出圈；马豆糕有椰汁、朱古力以及原味，入口起沙、唔会太甜。呢啲澳门古早西点冇华丽嘅包装，朴实店面里面嘅橱窗随手夹起一块西饼，係澳门人贴地嘅烟火气。

　　菲律宾面包

　　占西饼店

　　金马伦咖啡饼店堂食

　　鸡蛋糖

　　金马伦马豆糕

　　核桃马令

　　邂逅丝路

　　澳门美高梅博物馆上年年底开幕，按国家一级文物展陈标准建造，係澳门新晋嘅旅游打卡点。最近，这里正在举办“蓝色飘带”展览，用一系列文物、艺术珍品，带游客感受海上丝绸之路嘅魅力。喺目前展出嘅228件展品中，分4个主题展区，分别用历史时间、丝路文物、声光电交织嘅视觉效果、同现代艺术展品，为游客送上全感官艺术文化体验。其中，最为瞩目嘅係来自圆明园嘅兽首铜像，放置喺高清无反光玻璃展柜中，供大家全方位、无死角地欣赏。展馆中仲有一个AI互动区，大家在这里可以帮自己生成一个虚拟嘅古装形象，好似穿越历史时空，沉浸式感受海上丝绸之路的繁荣。

　　狗首铜像

　　圆明园兽首

　　彩釉碟

　　银制茶壶